HAR'OHUUSE 19:18 - Biblía Axweesantá Hhohho' ar Mungú 2004

¹⁸ Heedaádá' iri oó', «Atén a dahaaye, amór ta dahhaan a Betilehemúr Yuda, amór ta kawaan ka saaw, a baraá yaamaá tlom'aá Efraimu. Aníng ana Betilehemúr káw, tidár yaamaá Yuda. Ala aníng hamí an waátl amór dooeé'. Taa dahi'isiiká tam nee heé wák.

HAR'OHUUSE 19:18 Iomraidhean Croise

WARA'AMI 26:9

Aníng mi qwaareesaar dinkwa nee tlakuuse, laqaá slafingw'eé' mu harahuwaar dinkwa nee mukdá' tseerdaá ku'umaamiís.

AXWEESANOÓ SAGALOOA 25:17

Doó inslaawmoowók mu kakawaar umuú daqto, as kahhó' miwa motsa bu'uút uri aahh.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

HAR'OHUUSE 17:7

Qoomaadár kilae masoomoko wák oo tlahhoó Laáwi i deer oo baraá gixsár Daudi ar ta bay Betilehemu, ar baraá yaamaá Yuda.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 19:17

Inós iwa qaytsiít, heé aausmo guna ár aa iwiít dír tlahhoó muu iwa iwaawiti. Aakoowí guri yaahaás, «Amór ta keer a amá, nee amór ta dahh a amá?»

HAR'OHUUSE 19:19

Gitso a koomaán nee muruú /aymár hatlá' oo daqwaaye. Mikaáte sleeme a koomaán nee difaáiro as aníng nee sagadiyuso'oorók nee masoomoowí. Gár hatlá' ar ta sla'aan i káhh.»

HAR'OHUUSE 19:5

Bál tsiyahhe matlaatlér boo/e tari tseewa daarkiít, inós iwa tlatlay, baabuú /ameenidá' guri báy, «Lakiít muruú /aymár niiná /ayeek, tla/aangw ooheek, daqaní ta tleér.»

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.

1 SAMUELI 1:7

Kaangwí ina kumaamiít umuú kurko, umuúqo qoomaaro Hana bir amór doó AAKOÓ MUNGÚ keér, Penina gan alkomkakoón tlukuungo. Hana iri /aa/amamiín, tam muruú /ayma gu /aa/akká.