HAR'OHUUSE 19:16 - Biblía Axweesantá Hhohho' ar Mungú 2004

¹⁶ Naxés aakoó aa uray nina hardáh, i gadiyér daahh baraá qaymoorós qoomár tsiindoowo. Aakoowí a heé yaamaá tlom'aá Efraimu. Inós i Gibeár wa hoot, yaamaá dah'iima. Yaamuloouusér yaamuudá' a múk Benyamini.

HAR'OHUUSE 19:16 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

WARA'AMI 104:23

An qoomár hee niwa tlay iri gadiyeérós áy, iri gadiyumamiis ay tsiindo.

WARA'AMI 128:2

Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

AXWEESANOÓ SAGALOOA 13:11

Daqaari'iima bara sleér ar wa'aá wák i gaanslár fák, Ala heé ga ikwakwaáhh burumburingo ga niiq.

AXWEESANOÓ SAGALOOA 14:23

Baraá umuúqo gadiyeede slaasláw i deer, Ala axweesanoó tawo gár ni huwi i káhh.

AXWEESANOÓ SAGALOOA 24:27

Gadiyeérók ar tsee/a ala hhe'eeseek tleehhamooro, qaymoorók ala hhe'eeseek dooslaro, daqaní tleehhamór do' ka aluú wá sakí/.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 5:12

Heé bu'utuú tlaatla/ángw wák gu'uteerós i tsú', guruuwós tim hatsiiká laqaá tim haáts. Ala daqaarmo tim aaxi gu'ute a ma/iís asma ku daawitimiis nee daqaari'iima.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

2 Tesalonike 3:10

Qoomár atén tawa dinkwa nee kuungá' nuna bawaán, «Heé gadiyér sla'aaká, miwa /ayín.»

HAR'OHUUSE 19:1

De'emudae waawutmo i kaahh baraá Israeliwo, heeko wák oo tlahhoó Laáwi ina hoót ar dah'iima baraá darmuú yaamaá tlom'aá Efraimu wa ale. Inós /ameenirka baraá Betilehemúr Yuda gay duúx tawa /ameenirós ar quturmo wasl.

HAR'OHUUSE 19:14

Niri kumiitiyé' geerií aleeró, looa giri alee dát tawa nakaá/ Gibeárí alé, gixsár tlahhoó Benyamini.

HAR'OHUUSE 19:15

Tay paásl Gibeárí ale as tawa deeli. Iri dáh, iri iwiít dír tlahhoó muu iwa iwaawiti, asma hee tumu wák oo gaa dah'is i kaahh.

HAR'OHUUSE 19:17

Inós iwa qaytsiít, heé aausmo guna ár aa iwiít dír tlahhoó muu iwa iwaawiti. Aakoowí guri yaahaás, «Amór ta keer a amá, nee amór ta dahh a amá?»