HAR'OHUUSE 18:3 - Biblía Axweesantá Hhohho' ar Mungú 2004

³ Qoomár tawa hardáh dír doó Mika, afór masoomowí oo tlahhoó Laáwi ngina tsaahhiyé', niri amoorósí tlayé' kway yaahamiís, «Heé kuúng ugwa amoorí huuw? Gár kuúng ta tlehh a milá? Gadiyeérók a milá diirihe?»

HAR'OHUUSE 18:3 Iomraidhean Croise

IIMU/UUNGW 27:22

Yakobo baabuúwós Isaka guri i suruúk, Isaka guri matsotsoqoós, iri oó', «Afoorí a afór Yakobo, ala daba' a dabaá Esau.»

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

Matayo 26:73

Deelór niiná iwa gwá', mukdaádá' naa baraadí hardah Petro kuri i daqáy, kuri báy, «Ar ló', kuúng a heé wák dir'ine. Asma tam axweesanaywók sleeme kuúng u laqaaqán.»

HAR'OHUUSE 12:6

kuna bay, «Ax too, Shiboleti.» Inós iri ooi, «Siboleti», as iwa tifqimiisi, kuri oh, kuri gaas didár kilár waarahhamuú yaaér Yordani. Múk tlahhoó Efraimu oo kume mibeeri tsiyáhh nee tsár kuri tsuú/.

HAR'OHUUSE 18:2

Múk tlahhoó Dani, múk kooán oo pihhuuse oo tlahhay'ín, nguri ya/aawiyé', múk baraá Sorarír daáhh nee oo baraá Eshtaolír daáhh, as yaamuudá' kiwa tsawtsawuusár ay. Kiri báy, «Tlawsé' yaamuusíng araare'.» Tari hardáh yaamaá tlom'aá Efraimu, tay hardáh doó Mika, tay didií deél.

HAR'OHUUSE 18:4

Inós giri báy, «Muruú aníng nee Mika taa axweesaán i deer, aníng iga baraá gadiyeédí qaás, aníng a kaahamusmoowós.»