HAR'OHUUSE 18:19 - Biblía Axweesantá Hhohho' ar Mungú 2004

¹⁹ Kuri báy, «Xasliít, afkók tsa/áy qaaseek, tlawáng dinkwa nee atén, kuúng direne ta baabá nee kaahamusmo, xáy ka hhoóe diroge kuúng tawa kaahamusmo as doó heé wák, laqaá tawa kaahamusmoó úr as tlahhaay nee mar'eefaá baraá Israeli.»

HAR'OHUUSE 18:19 Iomraidhean Croise

2 WAAWITÁ 13:14

Aarusmo Elisha tiqti guri /uurúr ót. Qoomár gwa'ara ngiwa áy, waawutmo Yehoashi oo Israeli guri neetleesi áy. Iwa hardáh iri dír geeraá Elisha wa /aá/, iri oó', «Baabuúeé', baabuúeé', gaardaá múk Israeli nee mukduú farsuú madiít.»

2 WAAWITÁ 6:21

Waawutmoó Israeli múk Aramu nguwa ár, Elisha guri yaahaás, «Xáy baabá, i tsú/a?»

YOBU 21:5

Aníng i qaytaré', kuungá' ta waa/oo/á', daqaní afe ka otá' ar daba'.

YOBU 29:9

Geeraharuuse bira aán deeloodae axweesani kan máy, nee daba' ngari gawaá afer'ín qaasiyá'.

AXWEESANOÓ SAGALOOA 30:32

Barnaxés aga daktu'út tiri kilók diidi'ís nee barnaxes a tlakweemaá aldakút tleehhamooro, ti ila/ kilók ale.

MIKA 7:16

Múk xoordaá hatlá' adoorí kan ar, inooín tay muruumiit, tam ta /uureemaá kona. Mureero afe kay tuuntuuk ar dabaaín, tay mafaa' adór múk iawásl.

Matayo 23:9

Kuungá' hee mu baabá ar ateetimaara' baraá yaamuwo, asma Baabuúhúng a wak, inós an kuduú gawaá doorí dirií'.

HAR'OHUUSE 17:10

Mika iri oó', «Diirí wa hootang. Kuúng masók dir'eene a adór baabá nee kaahamusmoó dooeé', aníng kuúng u buú' ar parhheemaá mibaangw awa peésa umuúqo kurko, nee tlabaawo, nee muruú /aymaaroge.»

HAR'OHUUSE 18:18

Tawa dáh baraá doó Mika, murslaaqatuudá' taa daákw oo taa parootuús nee naifeéraro nee slaqsoó hee kudá' taa tleéhh ar muqslír taa weeqatís, muruuwí kuwa ar tláy, kaahamusmo giri yaahaás, giri báy, «Kuungá' ma tlehhá'?»

HAR'OHUUSE 18:20

Kaahamusmoodá' muunaáwós iri qwalaá/, inós naifeéra gari taataáhh nee murslaaqatuú taa tleéhh, nee murslaaqatuudá' taa daákw kuri parootuús, iri tláy baraá tla/ángw muu tiri alkoné'.