HAR'OHUUSE 18:18 - Biblía Axweesantá Hhohho' ar Mungú 2004

¹⁸ Tawa dáh baraá doó Mika, murslaaqatuudá' taa daákw oo taa parootuús nee naifeéraro nee slaqsoó hee kudá' taa tleéhh ar muqslír taa weeqatís, muruuwí kuwa ar tláy, kaahamusmo giri yaahaás, giri báy, «Kuungá' ma tlehhá'?»

HAR'OHUUSE 18:18 Iomraidhean Croise

ISAYA 46:2

Kuungaá mungui aga huhu'uundé' dinkwaárií ale, kuungá' munguiihúng awa murslaagat /iisaro i aleesleera'aaká, ala kuungaá kilá' tundu huuw baraá loohaay.

ESEKIELI 21:21

Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

TLAHHOÓ LAÁWI 26:1

«Slaqsa'aá mungui mi tleehhara', slaqsoó taa hhaásl mu sihhtisaara', laqaá uheemi, laqaá slaqsoó tlaa/aá taa hhaásl baraá yaamuhunge, nee mu i tumbarara'amitara'. Aníng an AAKOÓ MUNGÚ, Munguúhúng.

HAR'OHUUSE 18:17

Mukdá' kooán yaamuudá' gaa tsawtsawuusár ay, tana tsa/án tay dáh baraá do'duú murslaaqatuudá' taa tleéhh, nee kudá' taa daákw kuri parootuús, kuri duúx, nee naifeéraro. Qoomaarihe kaahamusmo i dinkwa nee hhawaateedaá tsiire lahhoó', kudá' xoosla ngaa oohiye', tari dír dahmaá afkú doó áy.

HAR'OHUUSE 18:19

Kuri báy, «Xasliít, afkók tsa/áy qaaseek, tlawáng dinkwa nee atén, kuúng direne ta baabá nee kaahamusmo, xáy ka hhoóe diroge kuúng tawa kaahamusmo as doó heé wák, laqaá tawa kaahamusmoó úr as tlahhaay nee mar'eefaá baraá Israeli.»