HAR'OHUUSE 18:10 - Biblía Axweesantá Hhohho' ar Mungú 2004

¹⁰ Bar aga tleeré' múk hoót ar wayda nee saxareemo un i hardatá'. Yaamuudá' ki ur, asma a yaamaá Mungú naa dabaahúngií qaás. Umuúqo gaaro i deer, umuú gár dáw baraakaá yaamuwo i /aaruraaká.»

HAR'OHUUSE 18:10 Iomraidhean Croise

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

DABE 2:29

Yaaér Yordani a waarahhaán nee tawa dahaan baraá yaamaá AAKOÓ MUNGÚ, Munguúrén ni hanmiisi. Na/aá Esau kudá yaamaá Seiri nee múk Moabu kudá' baraá Ari atén tina ya/ané' tawa waarahhaan baraá tla/ángw yaamuuín ar ale.›

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

YOSHUA 2:23

Siitsawuuseedá' tsár nay /ét gawaá tloomár wa ale, yaae ngiri waaraahhiyé', nee niri hardihiyé' amór Yoshua garmoó Nuni. Inooín muruudá' sleémeero gaa slay nguri aainé' dirósií ale.

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

YOSHUA 6:16

Harweermór faanqw kawa hhe'eés, qoomár kaahamuusér Mungú tarumbeetadu ngiwa ufáhh, Yoshua mukós guri báy, «Tsee'é'! Asma AAKOÓ MUNGÚ gixsarí nga dirhúngí haniís.»

HAR'OHUUSE 18:11

Múk tsiire lahhoó' oo tlahhoó Dani oo xoslaá slaqwarár koóm niri baraá yaamaá Sora nee Eshtalír wa tlayé'.

HAR'OHUUSE 18:27

Inooín tidá' Mika aa tleéhh ngina ar tlayé' dinkwa nee kaahamusmoowós, nee inooín tay alhardáh Laishi, dír múk hoót ar yaandahhooa nee saxareema, kiri muúx ar paangadaá xaraaslá', gixsar'ín kay daá/.

HAR'OHUUSE 18:7

Aluuwo mukwí kooán iri tláy, tari hardáh Laishi. Mukdá' baraadá' hoót kuri ár adór ir hooti ar saxareema, adoodá' múk Sidoni ira hoót, múk yaanda hhó' nee amohhoó' oo gár hee ga yaahamiisaaká. Asma gár giwa /aaruur i káhh baraá yaamuwo inooín a daqaare, slam inooín ki saaw dír múk Sidoniro, nee gár nee muu tiwa diitsiya' i káhh.

HAR'OHUUSE 18:9

Tari oó', «Gimsé', tlawaaré', a slaqwarár awaán amór mukdá', asma yaamuudá' iga araán adór kir hhoohhoó'. Xayshé' ma tawoó hhawahhawaara', ma baabaqaamisaara'! Dahé', yaamu aalaak!