HAR'OHUUSE 17:5 - Biblía Axweesantá Hhohho' ar Mungú 2004

⁵ Heewí ta bay Mika, doó mungú nguwa sluufmiisi guna tleéhh, nee naifeéra gana tleéhh, nee slaqsa'aá munguaá hatlae, garmaawós gway kaahamusmoowós wa qaás.

HAR'OHUUSE 17:5 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

1 WAAWITÁ 12:31

Yeroboamu sleeme maraá tawa sluufmiisi giri tleéhh gawaá gongoama', kaahamuusér tlahh'aá Laáwiwooká gari qamín.

1 WAAWITÁ 12:32

Yeroboamu bál slahhángw dakaát tawa mibaá nee kooán gari qaás tawa deelór ur, as ngiwa slaqsi nee deeloodá' aáng muu i tlehhaahhiti baraá yaamaá Yudawo. Ilahhooár muruú ta tsu/i gari haniís gawaá kitangwdá' aa tleéhh baraá Beteli, dír geeraá slaqsayduú dama aa tleéhh. Kaahamuusér didá' gari tsawaár as iwa didár gongoamaá wa gadiyus.

ESRA 1:7

Slám waawutmo Koreshi xooslaá doó AAKOÓ MUNGÚ, kudá' Nebukadnesa naa huúw Yerusalemu wa alé, giri qaás baraá doó munguiiwós, inós giri ki/ís.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

TI'INAANGW 28:15

«Kuúng tlakoó gawaá da/eewo ku tléhh, oo sla'aarír Mungú kar tsaahhi. Ku tleehhi nee heé gu baál tleehhamooro, ar adór naifeéra kara tleéhh ar neewór sahaábu nee neewór se'éngw bee/aangw ar sirbo/, nee ar sirdaa/aten, nee ar da/aten, nee ar kitaánír hhohho' ar taa hhuútl.

TI'INAANGW 28:4

Tlabaá ta tleehhi a kuká': Tlakwayduú gawaá da/eewo nee naifeéra nee hiyoó ququmaár, nee hiyaydá' tleér taa qaalín, nee kofiyá nee himuú afeetlo. Tlabaaká' hhiyaawók Aroni nee daaqaywose kin dahamiis as kahhó' tawa kaahamuusér aníng i sagadiyuus.

TI'INAANGW 29:9

Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

ISAYA 44:13

Heé peehhoó dakuút guna gan'amiís, guna layarí qamín ar kalaámuú penséli, guri natsatsaeés ar ránda, gari adór slaqsoó hhoohhoó' oo heé wár tleehh, ngway qaasiyé' baraá maray'ín.

ESEKIELI 21:21

Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

ESEKIELI 21:26

Anuú Aakoó MUNGÚ, kuúng un babaw, Warqamoosuú gawaá sagók nee slamaangók duxeek. Asma ado i adoodár geerií kahhká. Mukdaádá' baráy dirií' kungu gáwtí tlees, nee kudá' gáwtí diriiá' kingi baráy /aytiis.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

Ebrania 5:4

Hee i kaahh oo ilaiwa/ameerí ga sláw, tawa kaahamusmoó úr oo Mungú. Ala aqo har kudá' taa ateét nee Mungú, adoodár Aroni kura ateét.

HAR'OHUUSE 17:4

Mika peésaadá' ngiwa ki/ís dír aayoorós, aayo peésár tsiire tsár gana hanís dír kareeramo as murslaaqat nguwa tleehhi. Murslaaqatuuwí kuri qaás baraá doó Mika.

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»

HAR'OHUUSE 18:30

Múk Dani murslaaqatuudá' taa daákw kuri parootuús nguri sihhtisiyé'. Yonatan garmoó Gershomu garmoó Mose, inós nee na/iiwós kiri kaahamuusér wa qaás baraá tlahhoó Daniwo, ay qoomár yaamuudá' kiwa hayóh nee múk hatlá'.

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.

1 SAMUELI 19:13

Mikali guftanoó adór hee guna qaatís gawaá qatani, guri saga tlakwá' ar kutkuuntír se'éngw aara, guri uuntsús ar inqwar.

1 SAMUELI 23:6

Abiatari garmoó Ahimeleki, qoomár iwa goów Keila amór Daudi, naifeérár kaahamuusér Mungú gana dákwár huúw.