HAR'OHUUSE 17:2 - Biblía Axweesantá Hhohho' ar Mungú 2004

² Looarka wake aayoorós gana báy, «Peésaadár kumuú wák nee tsiiru, tók tidá' taa fiís, kiíng heedaádá' kuri lu'ús, qoomaadae aníng a axamiís, ala aníng peésaadá' a koóm. Heé peésaadá' gaa taataahh a aníng.» Aayoorós iri ó', «Garmaaeé', kuúng AAKOÓ MUNGÚ u tsuuqi.»

HAR'OHUUSE 17:2 Iomraidhean Croise

IIMU/UUNGW 14:19

Inós Abramu guna tsuúq, iri oó', «Abrámu, kuúng tu tsuuqi nee Munguú Gáwtí dirií', tleehharusmoó doori nee yaamu,

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

AXWEESANOÓ SAGALOOA 28:24

Heé muruú dooín gu fisisiím iri ooi «aga dakuusiiká», Inós a mulqumoó heé hhitusmo.

YEREMIA 48:10

Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

Matayo 26:74

Petro lo'o gari huúw iri oó', «Án heesíng burqo xuú' ni gwaá'.» Siiwadár kilae konkomo iri uú'.

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

2 Yohana 1:11

Asma heé gu taaqweemiís, in dinku'uumiis baraá tlehhemi'iiwós kudá' tlakw i tlehhiiti.

HAR'OHUUSE 17:1

Qoomaarihe heeko wák oo baraá yaamaá tlom'aá Efraimu i deer, umuuwós ku bay Mika.

HAR'OHUUSE 17:3

Mika peésaadár kumuú wák nee tsiiru gari dír aayoorósí ki/ís, aayoorós guri beér, «Adór kuúng lo'oodá' uwa sleeraaká a tí: Peésaarí an paraátl as AAKOÓ MUNGÚ kawa murslaaqatúr tleehhi, nee peésaarí ngi amoorók i ki/ís.»

HAR'OHUUSE 5:23

«Malaykamoó AAKOÓ MUNGÚ i kaahi, ‹Merosi lu'usaak, yaamuloouuseerós, lu'usaak sleeme, asma AAKOÓ MUNGÚ ngwaa alee/isár ay'iiká, qoomár iwa slaqwi nee slaqwaruusér /uureemaá koom.›

RUTI 3:10

Boasi gari báy, «Kiíng AAKOÓ MUNGÚ i tsuuqi, dasir'eé'. Asma kiíng hhooeemaá ak ur iga tléhh ta kudá' taa tlehhi dír aayír hhawaatuuwógí alé. Asma tam masoomo ugwa eehatká oo narkutmo laqaá oo daqaarmo.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.

1 SAMUELI 14:28

Heeko wák guri báy, «Baabuúwók muu guna lo'ór /aymiís iwa kaahi, ‹Heé muruú /ayma laarí gwaa /aay i tsarere'eeti.› » Qoomaadae muu qwari gwaa slaaqatimís.

1 SAMUELI 15:13

Samueli iri daqáy amór Saulo, Saulo iri oó', «AAKOÓ MUNGÚ u tsuuqi daxta aníng hara'ayár AAKOÓ MUNGÚ aga boo/eés.»

1 SAMUELI 23:21

Saulo iri oó', «Kuungaásingá' aníng iga gurtleere' AAKOÓ MUNGÚ nu tsuuqi.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›