HAR'OHUUSE 16:7 - Biblía Axweesantá Hhohho' ar Mungú 2004

⁷ Samson gari báy, «Aníng bira tseegiyé' ar waatlarmaá faanqw awa /aben, daqaní /uuruueé' i faak, aníng tari adór heé hatlá'.»

HAR'OHUUSE 16:7 Iomraidhean Croise

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

AXWEESANOÓ SAGALOOA 17:7

Baraá afér daktanaaro axweesanoó ganaá' i harinká, áx alók a adoomá axweesanoó lama baraá afér geeraharuuseero.

Rumi 3:8

Ala bar adoosíng, an ooána, «Tlakweema i tleehhaán as hhooeema iwa hardihiya'.» Múk atén ti kaantiím bahh'alé sleeme gaa káh adór atén gár ta intsaahhatimisaan tar tí. Inooín ki sakwasleemuut ar sakwasleemár hariim.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

Kolosai 3:9

Kuungá' kiloohúng miti lamtí tlaaqara'. Asma kuungá' munerhúng tidá' ar aáng aga warqesé', dinkwa nee tlehhemi'iiwós kudá' tlakwe.

HAR'OHUUSE 16:10

Naagáy Delila Samson guri beér, «Qaytsiít, kuúng aníng iga niqís tam looeema nga ooiká, na'ás áx adór kuúng tur aleeslay ooang.»

HAR'OHUUSE 16:6

Delila, Samson guri beér, «Na'ás /uuruuwók amór i dahi na ooang, adór tseegaro tur aleeslay as tuwa baramaanuusi.»

HAR'OHUUSE 16:8

Geeraharuusér múk Filisti waatlarmaá faanqw awa /aben giri hanís, Delila Samson guri tsék ar waatlarmaadá'.

HAR'OHUUSE 16:9

Inós hhawaate gaa baraá kutuwírí lú/, Delila iri ó', «Samsón, múk Filisti areengw naa haratláy.» Ala Samsoni waatlarmaadá' gina tsaát adór neewór asla aa /ák. Gawaá adoorihe Samson lu/aroó /uuruuwós gwa ooiiká.

1 SAMUELI 19:17

Aluuwo Saulo Mikali gari báy, «Kár waáy, án misa adoosír al/ák? Wakusmooeé' kuri tawo meér, iri goów?» Mikali Saulo guri beér, «Aníng ina báy, ‹Xaa aga tláw, gár hám is tawo gaasi.› »

1 SAMUELI 27:10

Akishi Daudi guri báy, «Laarí nee múk bartá amá aga slaqwe'?» Daudi iri oó', «A yaamaá Negebúr Yuda,» laqaá «Negebúr Yerame'eli,» laqaá «Negebúr múk Keni.»