HAR'OHUUSE 16:30 - Biblía Axweesantá Hhohho' ar Mungú 2004

³⁰ Samson iri oó', «Xaa aníng ni gwaá' dinkwa nee múk Filisti.» Uheemidá' giri tliwií/ ar /uuruuwós sleémeero. Do'odá' inós guri i huú', dinkwa nee geeraharuusedár múk Filistiro nee muu sleémeero oo baraadií dirii'. Baalaadae múk aa tsuú/ ku ló'wa úr ta ak kudá' aa tsu/i qoomár iwa slafi.

HAR'OHUUSE 16:30 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

WARA'AMI 62:3

Ay xaylá hee ku /amaatsegaagita', kuungá' sleémeero kuwa dinkwaárií muxa', inós barqo adór baquú huuhu'uúm, laqaá koo/ír dingiim.

DAHARUSMO 9:12

Heé baalaarós ga xuú' i kaahh, aqo adór siyó kur ohaahin gitsa/aá tlaakwe nee baraatsufaay, nee adór tsir/i kar ohaahin nee naqfí, an adór muu kur haraxopiiti ila nee tí, nee qoomár tlaakw.

Matayo 16:25

Asma heé slafiingós gu ba/amisár wa slaá', gun qwaarees. Nee heé slafiingós qwaareesaro gwa ya/an as aníng, a gun ba/amis.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Filipi 2:8

Tiri kilós niinaweés, iri hoót ar ilaiwa/ame ay gwa'araarós, eeít, gwa'araadár gawaá msalaába.

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 15:15

Samson taqeesmoó daqwaay oo naá/ guri sláy, múk kumuú wák oo Filisti guri tsuú/.

HAR'OHUUSE 15:8

Giri ló'wa muúx, múk yaariír guri tsuú/, iri tláy iri hotaá áy baraá mar'ír tlaa/ár Etamu.

HAR'OHUUSE 16:29

Samson iri tliintií' gawaá uheemidá' tsár, kudá' do' ngwaa gáwtí oohiye', dakós oo doó /iyáy i gawaá uhumoó wák nee oo doó basáy i gawaá kuqá'.

HAR'OHUUSE 16:31

Hhaeewós nee múk dooín sleémeero nina hardihiyé' as tuuaadá' kawa foolár ay. Slaqwtós ngiri ar tlayé', kuri foól dír tla/ángw Sora nee Eshtaoli didár muu folit ar Manoa baabuúwós. Samson múk Israeli guna har'ohín afiqoomár kureeraá mibeeraá tsare.