HAR'OHUUSE 16:28 - Biblía Axweesantá Hhohho' ar Mungú 2004

²⁸ Samson AAKOÓ MUNGÚ guna firín, iri oó', «AAKOÓ MUNGÚ, aníng inslawáng, /uuruueé' ki/isang! Tí kilós waiiká' wake ngin firiím, as li/aay nguwa buu' daanduú ilaeé' kuká' tsár taa tu/uni nee múk Filisti.»

HAR'OHUUSE 16:28 Iomraidhean Croise

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

WARA'AMI 10:12

AAKOÓ MUNGÚ, sihhiít, dakók tleeseek tlakusmo muxeek, liitlakuuse ma gunqareesaar.

WARA'AMI 116:4

AAKOÓ MUNGÚ nguri i /aa/amiím, «AAKOÓ MUNGÚ, na'amamís, hhiintluueé' tu/eek.»

WARA'AMI 143:12

Asma án kuúng iga slá', ar sla'aarír warqawaaká, wakuuser'eé' qwaareeseek, nee kudaádá' aníng iga baramaanuusiye' hhaamiseek, asma án a sagadiyusmoowók.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.

2 Timoteo 4:14

Aleksanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

HAR'OHUUSE 15:18

Naagáy iri ló'wa waxiít, AAKOÓ MUNGÚ guri firín, iri oó', «Aá Mungú, kuúng an kudá' ba/amarí ngaa hup, a loohír anuú sagadiyusmowók. Xáy, daxta i meéra niwa gwaa' ar waxe nee tiwa ar tlay nee múk Filisti kwí taa hheehhe'eesiiká.»

HAR'OHUUSE 16:27

Do' ina haáts hhawaate nee /ameenaro. Geeraharuuse sleémeero ta didií dirii'. Gawaá daáriro muu a kume tám hhawaate nee /ameenaro, múk xumiís qoomár Samson iwa neeti.

HAR'OHUUSE 16:29

Samson iri tliintií' gawaá uheemidá' tsár, kudá' do' ngwaa gáwtí oohiye', dakós oo doó /iyáy i gawaá uhumoó wák nee oo doó basáy i gawaá kuqá'.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.