HAR'OHUUSE 16:20 - Biblía Axweesantá Hhohho' ar Mungú 2004

²⁰ Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.

HAR'OHUUSE 16:20 Iomraidhean Croise

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

ISAYA 42:24

Xáy, heé Yakobo gwaa haasaáng tleehh nee múk Israeli gwa fiis, Xáy, a AAKOÓ MUNGUHEKÁHE kudá' atén taa sadakusaán, kudá' handá' lohuuwós ooharo taa siaán, nee dabeerós taa iialooesaniiká.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

Matayo 17:16

Una huúw dír eeharuuseerók, ala inooín hungu/uusaro kwa aleeslayká.»

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

2 korinto 3:5

Asma atén kiloorén aleesleemuú taa koomaan i kaahh. Gawaá adoorihe atén a ooanaaká gaarí a gadiyér atén taa tleehhaan. Aleesleemuurén dír i dahhi a dír Mungú.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

HAR'OHUUSE 16:14

Qoomár iwa qaát, Delila se'eengw guna hhútl daqoroó faanqw guri dinkwár i tsék ar warqamo, guri gawdés ar kiki'i. Samson guri beér, «Samsón, múk Filisti areengw naa haratláy.» Samson iri tláy baraá gu'utér wa alé, kiki'iidá' gari tuú/ nee warqamoodá' guri gweér.

HAR'OHUUSE 16:19

Delila Samson guri harhheehhe'és, guri gu'ús gawaá geeraawós, heé wák guri atét, Samson guri se'eengw deéqw. Delila Samson guri iimu/uún baramaaniro, asma /uuruuwós aa faák.

HAR'OHUUSE 16:21

Samson kuri óh nee múk Filisti, kuri ila tu/ún, nguri huwiyé' Gasa, kuri tseék ar tlatlawtá muqsli, iri xooslín baraá tseegamór wa ale.

HAR'OHUUSE 16:3

Samson ina guú' ay xweeraá dakiing, tla/ángw xweeraawo iri tláy, afkú gixsa nee maandaarose nee duuxuuteero sleémeero gina tuú/, giri qaás gawaá sum'iiwós, giri huúw ay gawaá tloomadá' nee Hebroni ti ga/aawá'.

HAR'OHUUSE 16:9

Inós hhawaate gaa baraá kutuwírí lú/, Delila iri ó', «Samsón, múk Filisti areengw naa haratláy.» Ala Samsoni waatlarmaadá' gina tsaát adór neewór asla aa /ák. Gawaá adoorihe Samson lu/aroó /uuruuwós gwa ooiiká.

1 SAMUELI 16:14

Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.

1 SAMUELI 18:10

Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.