HAR'OHUUSE 16:18 - Biblía Axweesantá Hhohho' ar Mungú 2004

¹⁸ Qoomár Delila ngiwa tsáhh adór Samson tidár baraá muunaáwós sleémeero ngira faák, Delila afo gari ya/áp amór geeraharuusér múk Filisti, iwa kat, «Qwalaasé' ar wa'aá wák, asma naaqoorós tidá' sleémeero ngaa oó'.» Geeraharuusér múk Filisti nay hardát, peésa gari húp amór Delila.

HAR'OHUUSE 16:18 Iomraidhean Croise

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

AXWEESANOÓ SAGALOOA 18:8

Kaantusmo i afa hhohhoaa'áy adór muruú /aymár tsuú', Axweesantós sleémeero in dát baraá muuná.

FAARO 22:7

Naagáy geeraharuusér Moabu nee ar múk Midiani tari tláy, tari amór Bala'amuú káy, i peésár bu'utuú qwaslaarmoó koná'. Tawa hardáh ya/abtór Balaki kari oó'.

Matayo 26:15

Iri oó', «Án barnaxes ngu dirhúng i sakií/, gár ni hanisa' a milá?» shiliíngi mibeeri tám kay dirósí haniís.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

HAR'OHUUSE 16:17

Inós kangwdá' sleémeero guri oó' dír Delila, iwa kaahi, «Sagw'eé' kwaa baloó deeqwiiká, asma aníng tina qaroó paraátl as Mungú iimír tiwa laqwaali. Aníng barnaxes taa deéqw, aqo /uuruueé' in faak, niri daqa tlakúw, tari adór heé hatlá'.»

HAR'OHUUSE 16:19

Delila Samson guri harhheehhe'és, guri gu'ús gawaá geeraawós, heé wák guri atét, Samson guri se'eengw deéqw. Delila Samson guri iimu/uún baramaaniro, asma /uuruuwós aa faák.

HAR'OHUUSE 16:5

Geeraharuusér múk Filisti gari i daqeér, gari beér, «Samson harhheehhe'eesang, daqaní masók adór kur slawaan ngi dirók i oo'. Atén un tseegaán nguri slahh'eemisaán. Umuú heewo direne peésár kume mibaá nee wak ngi haniis.»