HAR'OHUUSE 16:17 - Biblía Axweesantá Hhohho' ar Mungú 2004

¹⁷ Inós kangwdá' sleémeero guri oó' dír Delila, iwa kaahi, «Sagw'eé' kwaa baloó deeqwiiká, asma aníng tina qaroó paraátl as Mungú iimír tiwa laqwaali. Aníng barnaxes taa deéqw, aqo /uuruueé' in faak, niri daqa tlakúw, tari adór heé hatlá'.»

HAR'OHUUSE 16:17 Iomraidhean Croise

AXWEESANOÓ SAGALOOA 12:23

Heé sagaloó', sagalooarós gan baraá duxúr uhis. Ala daktani daktu'uumarós gan dindirmár uhís.

AXWEESANOÓ SAGALOOA 13:3

Heé afkós gwaa harmagaahh slafiingós gu ba/amis, Ala heé afkós gwaa algeemay i qwaar.

AXWEESANOÓ SAGALOOA 29:12

Geeraharusmo bar i lameemaá axamiis Alee/isuuseerós sleémeero tlakweema gin i xupú'.

MIKA 7:5

Inslaawmoowók mu harahhiifaar, nee mulqumoowók mu harahhiifaar. Afkók de'eemeek tam dír hareeroge, tidá' ta sla' nee kuúng alguaaimá'.

FAARO 6:2

«Múk Israeli kaangwí ti beer: Barnaxes hhawaata laqaá /ameeni al'axweesani kaa oó' ar tiwa paraatli as AAKOÓ MUNGÚ nguwa sagadiyuusi.

FAARO 6:5

«Deelo sleémeero al'axweesani ngiwa qaás ti paraatli, se'eengós munguwa deéqw, ay dír qoomaarós tidá' aa qaás ar al'axweesani dír AAKOÓ MUNGÚ i fak, inós ku hhoohhoó', se'eengós ngu may i tlenuunuy.

Tlehhema'aá ya/Abuuse 18:18

Paulo iri amoodá' wa hoót deelór yaariire. Aluuwo deelo gari oó' dír hhae, iri tláy ar baraá tlawi ay yaamaá Siria. Priskila nee Akila tay alkoné' nee inós. Ala iwa baraá yaamaá Kenkréarí dirii'i se'eengós guri deéqw, asma al'axweesantá lo'o gaa /aáy.

HAR'OHUUSE 13:5

asma kiíng a tsít, na/oó garma kway laqwál. Ságw na/aysíng mukuwa baloó deéqw, asma inós kwaa paraátl as AAKOÓ MUNGÚ iimír bál xwaylarós wa aleeró. Inós múk Israeli gu tuu/ baraá dabaá múk Filistiro.»

HAR'OHUUSE 16:16

Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.

HAR'OHUUSE 16:18

Qoomár Delila ngiwa tsáhh adór Samson tidár baraá muunaáwós sleémeero ngira faák, Delila afo gari ya/áp amór geeraharuusér múk Filisti, iwa kat, «Qwalaasé' ar wa'aá wák, asma naaqoorós tidá' sleémeero ngaa oó'.» Geeraharuusér múk Filisti nay hardát, peésa gari húp amór Delila.