HAR'OHUUSE 16:16 - Biblía Axweesantá Hhohho' ar Mungú 2004

¹⁶ Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.

HAR'OHUUSE 16:16 Iomraidhean Croise

YOBU 21:4

Ahaá, aníng gár ni i /aa/amiim a heéwo? Gár qitla ngus harslaaqaat a milá?

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Marko 14:24

Giri báy, «Gaarí a tseerer'eé' ar alqado ar ku'uut as múk yaariír.

Luka 11:8

Án a kah, ala tam heedaádá' tleemu ngu slaiikahe as mikaáteedá' ngiwa haniisár ay, as heedaádá' tawa mulqumoowós, ala as heedaádá' iwa kumiiti firooro, in tláy nee gay haniisár áy hariímaarós tidá' inós i slai.

Luka 18:5

Ala kwaalo'oorí aníng i daawitamís. Bira adoorír kumít, aníng alhhe'eesaywo i slaaqatís daawitamisuwo, ala gár kas hhoó' aníng an alee/iís, as hariímarós ngiwa sleer.› »

HAR'OHUUSE 14:16

Harér Samson iri /á' dír geeraawós wa alé guri beér, «Kuúng iga áhh, kuúng aníng i sla'ká, kuúng muk'eé' una tsaaxweelír siník i qás, nee gídaabárós dir'eene nga oiká.» Inós hareerós gari báy, «Qaytsiít, tí aníng tam aga ooiiká dír xwayliitér'eene, xay ngi nqo oóa diroge?»

HAR'OHUUSE 14:17

Ala inós guri i /aa/amamiín deeloodá' faanqw sleémeero ar duuxor'ine. Nee bál faanqwe Samson gari oó', asma inós kwaa ló'wa harakeés nee hareerós. Aluuwo inós kangwdá' gway ó' dír mukós.

HAR'OHUUSE 16:15

Inós guri beér, «Xáy ala adór kuúng tar kat, ‹Aán kiíng i slaá',› bartaqane muunaáwók ku saáw dir'eene. Ay nee hamí iga niqís sagaáwa tám wa ale, adór kuúng tur aleeslay ngaa ooiká dir'eene.»

HAR'OHUUSE 16:17

Inós kangwdá' sleémeero guri oó' dír Delila, iwa kaahi, «Sagw'eé' kwaa baloó deeqwiiká, asma aníng tina qaroó paraátl as Mungú iimír tiwa laqwaali. Aníng barnaxes taa deéqw, aqo /uuruueé' in faak, niri daqa tlakúw, tari adór heé hatlá'.»