HAR'OHUUSE 16:15 - Biblía Axweesantá Hhohho' ar Mungú 2004

¹⁵ Inós guri beér, «Xáy ala adór kuúng tar kat, ‹Aán kiíng i slaá',› bartaqane muunaáwók ku saáw dir'eene. Ay nee hamí iga niqís sagaáwa tám wa ale, adór kuúng tur aleeslay ngaa ooiká dir'eene.»

HAR'OHUUSE 16:15 Iomraidhean Croise

IIMU/UUNGW 29:20

Yakobo Labani guri sagadiyuús kureeri faanqw as Raheli ngiwa slay, ala dirose a adór deelór niina as adoodá' Raheli ngira slaá'.

2 SAMUELI 16:17

Absalomu Hushai guri yaahaás, «Xáy, adoorí an inkihhimuwoge dír mulqumoowók Daudiwo? Baré nee mulqumoowók taa koondi'iiká, ala?»

NEHEMIA 6:4

Inooín nina kumiitiyé' ya/abibingo ay sagaáwa tsiyáhh as niwa amor'ín kaw. Ala aníng ina mu/aywaáts ar adoodár kilá'.

AXWEESANOÓ SAGALOOA 2:16

Sagalooa kuúng uri tú/ dír /ameenír sli'imuso'ooro, dír sli'imuso'ór axweesani tsuú',

AXWEESANOÓ SAGALOOA 23:26

Garmaaeé', muunaáwók haniisang, adoorí aníng nir hoot u qwal/atis.

Yohana 14:15

«Án bira slaé', hara'ayar'eé' a otá'.

Yohana 15:10

Kuungá' bar hara'ayar'eé' aga oté', a hotá' baraá sla'aarir'eé' wa ale, adoodá' aníng hara'ayár Baabuúeé' ngira óh, nee nira hoót baraá sla'aarirós wa ale.

DABE 6:5

AAKOÓ MUNGÚ, Munguúwók slaeek ar muunaáwók sleémeero, nee ar qeeruuwók sleémeero nee ar /uuruuwók sleémeero.

1 Yohana 5:3

Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.

HAR'OHUUSE 14:16

Harér Samson iri /á' dír geeraawós wa alé guri beér, «Kuúng iga áhh, kuúng aníng i sla'ká, kuúng muk'eé' una tsaaxweelír siník i qás, nee gídaabárós dir'eene nga oiká.» Inós hareerós gari báy, «Qaytsiít, tí aníng tam aga ooiiká dír xwayliitér'eene, xay ngi nqo oóa diroge?»

HAR'OHUUSE 16:14

Qoomár iwa qaát, Delila se'eengw guna hhútl daqoroó faanqw guri dinkwár i tsék ar warqamo, guri gawdés ar kiki'i. Samson guri beér, «Samsón, múk Filisti areengw naa haratláy.» Samson iri tláy baraá gu'utér wa alé, kiki'iidá' gari tuú/ nee warqamoodá' guri gweér.

HAR'OHUUSE 16:16

Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.