HAR'OHUUSE 15:9 - Biblía Axweesantá Hhohho' ar Mungú 2004

⁹ Múk Filisti niri hardáh xafay'ín nguri tleehhiyé' baraá yaamaá Yuda, nee gixsár Lehi ngiri i haratlayé'.

HAR'OHUUSE 15:9 Iomraidhean Croise

HAR'OHUUSE 15:10

Múk Yuda iri oó', «Ahaá waáy mista i haratleeré'?» Inooín tari oó', «Atén nina hardahaán as Samson kuwa tseegaan nee li/ayrén nguwa buaan.»

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 15:17

Adoorí axweesanto ngiwa hhe'eés, taqeesmodá' guri kwaáhh, didá' ngway kwaáhh gari umií i tsaát iwa kaahi, «Ramat-lehi.» Gídaabarós a tloomár taqeesmo.

HAR'OHUUSE 15:19

Ala Mungú dirka bohóngw koom gana fooxiís baraá Lehiro, ma'aay giri wa/ás. Samson ma'aydá' giri wáh, /uuruuwós iri kií/. Didár kutltadá' gari báy, «En-hakore», tam ay laarí i deer Lehiro.

HAR'OHUUSE 15:8

Giri ló'wa muúx, múk yaariír guri tsuú/, iri tláy iri hotaá áy baraá mar'ír tlaa/ár Etamu.