HAR'OHUUSE 15:5 - Biblía Axweesantá Hhohho' ar Mungú 2004

⁵ Aluuwo gufeedá' gay daá/, iintsaaweedá' iri dát baraá qamaá múk Filisti, angaánoó taa burumbuúr asla guri /ák, nee kudá' taa buiiká, nee qamaá hatlá' awa sabiíbu nee awa seituúniro.

HAR'OHUUSE 15:5 Iomraidhean Croise

2 SAMUELI 14:30

Naagáy Absalomu sagadiyuuserós gari báy, «Ga/awaak, qaymór Yoabu ar angaánoó shayiíri ka bihhaá te'eeni tseew. Tlawé', da/aak ar asla.» Gawaá adoorihe sagadiyuusér Absalomu qaymoodár Yoabu gari dá/ ar asla.

TI'INAANGW 22:6

«Hee bar asla gana qaás baraá xwaansláy, aluuwo asltadá' iri /akút baraá balángw hee oo taa buiiká, laqaá qaymo sleémeero gari fák, heedaádá' asla gaa qaas gár kuwa hariím aqo balangwdá' sleémeero gun buu'.

TI'INAANGW 23:11

Ala kurkú faanqwe qamuuwók in meér dooslaro, i dahaská sleeme. As kahhó' mukók kuduú narkuute nee makaá sla/a sleeme muruudá' baraadií dirií' nguwa /ayiya'. Adoorí an tléhh sleeme baraá qamuuwók kudaá sabiíbu nee awa seituúniro.

HAR'OHUUSE 15:4

Samson iri tláy iintsaawér tsiire tám gari ohín, gay hhayshe dinkwár i tsegiít tsár tsár. Naagáy gufuú asla gway qaás baraá tla/ángw hhayshér intsaawér tsár.

HAR'OHUUSE 15:6

Múk Filisti tari oó', «Heé adoorí gaa tleehh a heemá?» Tari oó', «A Samson, hhawaatuú dasír heedaáduú Timna, asma harér Samson gana haniís dír war/atuú Samson.» Naagáy múk Filisti dasiidá' nee baabuúwose kiri daá/ ar asla.