HAR'OHUUSE 15:18 - Biblía Axweesantá Hhohho' ar Mungú 2004

¹⁸ Naagáy iri ló'wa waxiít, AAKOÓ MUNGÚ guri firín, iri oó', «Aá Mungú, kuúng an kudá' ba/amarí ngaa hup, a loohír anuú sagadiyusmowók. Xáy, daxta i meéra niwa gwaa' ar waxe nee tiwa ar tlay nee múk Filisti kwí taa hheehhe'eesiiká.»

HAR'OHUUSE 15:18 Iomraidhean Croise

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 32:31

Yakobo Penieliro iwa waraahhi looa naa qaroó tsiiríhh, inós i soopín asma kutl/umoodá'.

2 SAMUELI 1:20

Kaangwí ló' mu ooara' dír Gatiro. Tam ayeemaá Ashkeloniro sleeme mu ooara'. /Ameenár múk Filisti munguwa saqwalaalá/, dasuú múk taa hheehhe'eesiiká miwa baraá/.

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

HAR'OHUUSE 14:3

Ala xwayliiteerós guri beér, «Ahaá dasi tam ar wák iqo káhha baraá ayaawihe tam baraá mar'eefoorene, gár tas duxuun baraá xoorór ta hheehhe'emisiiká wa alé ar Filisti?» Ala Samson baabuúwós guri báy, «Dasír aníng ni duuxór wa slaa' a tidá', asma aníng iga sla'atís.»

HAR'OHUUSE 15:17

Adoorí axweesanto ngiwa hhe'eés, taqeesmodá' guri kwaáhh, didá' ngway kwaáhh gari umií i tsaát iwa kaahi, «Ramat-lehi.» Gídaabarós a tloomár taqeesmo.

HAR'OHUUSE 16:28

Samson AAKOÓ MUNGÚ guna firín, iri oó', «AAKOÓ MUNGÚ, aníng inslawáng, /uuruueé' ki/isang! Tí kilós waiiká' wake ngin firiím, as li/aay nguwa buu' daanduú ilaeé' kuká' tsár taa tu/uni nee múk Filisti.»

HAR'OHUUSE 8:4

Gideoni nee mukós kuduú tsiire tám tana hardáh Yordani, tay waaraáhh. Tam naa ló'wa slaaqamitii'i aqo nina kumiitiyé' wakuuser'ín ngiwa aluú wa gusisiná'.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»