HAR'OHUUSE 15:14 - Biblía Axweesantá Hhohho' ar Mungú 2004

¹⁴ Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 15:14 Iomraidhean Croise

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

WARA'AMI 118:11

Tina harweér umuú barto, ala ar /uuruú AAKOÓ MUNGUHE ngiri baál.

WARA'AMI 18:34

Inós án ina intsaahhatís slaqwaraaro, as dabaaeé' ga/alér muqslír sirdaa/aat uuruuxaro ngiwa aleeslaya'.

TI'INAANGW 14:3

Farao daanduú múk Israeliwo iri ooi, ‹In tawo hi'iimitiyá' baraá yaamuwo, inooín xaanxaay gaa ilaá/.›

TI'INAANGW 14:5

Qoomár Farao, waawutmoó Misri, kuwa ádbáy adór múk Israeli ira tláy, Farao nee geeraharuuseero inslaway'ín iri warqáy, tari oó', «Ahaá, gaarí taa tleehhaán a mila ar múk Israeli kuwa geemawaán atén tiwa sagadiyuusiaaká malé alé?»

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 15:13

Inooín nguri bayé', «Atén kuúng u gaasanaaká, aqo un tawoó daba' tseegaán uri dir'ín i hanisaán.» Nguri tseegiyé' ar him'ér tsár ar /aben, nguri duuxiyé' baraá mar'ír wa aleeró.

HAR'OHUUSE 15:9

Múk Filisti niri hardáh xafay'ín nguri tleehhiyé' baraá yaamaá Yuda, nee gixsár Lehi ngiri i haratlayé'.

HAR'OHUUSE 16:12

Delila hhutleemaá /aben giri taatáhh, Samson guri tsék, guri beér, «Samsón, múk Filisti areengw naa haratláy.» Qoomaarihe hhawaateedá' naa nahhaatiyé' baraá kutuwi. Ala Samson hhutleemidá' gina tawo kahhtís adór neewór wa ale.

HAR'OHUUSE 16:24

Samson nguwa ariyé' Munguúín nguri sluufmisiyé' tawa kaahi, «Munguúrén wakusmoorén Samson ngwa haniís gawaá dabaarén, inoósuudá' yaamuurén gaa hhitin nee mukrén oo yaariír gwaa tsuú/.»

HAR'OHUUSE 16:9

Inós hhawaate gaa baraá kutuwírí lú/, Delila iri ó', «Samsón, múk Filisti areengw naa haratláy.» Ala Samsoni waatlarmaadá' gina tsaát adór neewór asla aa /ák. Gawaá adoorihe Samson lu/aroó /uuruuwós gwa ooiiká.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

HAR'OHUUSE 5:30

Iri ó', ‹Doóqa haasaáng ngun qasmiisiyá', umuú slaqwarusmoowo dasír wák laqaá tsár nee tlabaá daqaari'iima as Sisera, nee kudá' taa qaalín, nee himtaawér tsár ar aa qaalín as iste'eé'.›

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 17:35

aníng an eehár, nee ngari hara/akuút, deelmoó bee/i oo aa ót, nguri gawaá afkós wa tuú/. Laqaá tam diraangw bar aníng iga hara/akuút aníng taqesamawós in óh nguri gáwtá wa daáhh, nguri gaás.

1 SAMUELI 4:5

Sandakmoó alqadór AAKOÓ MUNGÚ iwa sa dáh baraá xafi, xoorór Israeli iri tsimaahhús ar afór ur, yaamu niri ilaoohiyé'.