HAR'OHUUSE 14:6 - Biblía Axweesantá Hhohho' ar Mungú 2004

⁶ Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 14:6 Iomraidhean Croise

WARA'AMI 91:13

Diraangw nee dayshamo in adarát, na/oó diraangw nee waasla in ya'ár naasuúr.

ISAYA 42:2

Inós i /aa/iiká laqaá i tseeiiká, laqaá afoorós ka axasiiká baraá lohduuwo.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

HAR'OHUUSE 13:25

Qeeruú AAKOÓ MUNGÚ guri /uurií haniís iwa baraá Mahanedanír i dirii'i, tla/ángw Sora nee Eshtaoli.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 14:5

Naagáy Samson nee xwayliiteérós tari /eét Timna, tawa hardáh baraá qamaá sabiíbu awa Timna, na/oó diraangw Samson guna i /oroótl.

HAR'OHUUSE 14:7

Aluuwo iri /eét tay axweés nee dasiidá', Samson guri ló'wa sla'atís.

HAR'OHUUSE 15:15

Samson taqeesmoó daqwaay oo naá/ guri sláy, múk kumuú wák oo Filisti guri tsuú/.

HAR'OHUUSE 15:8

Giri ló'wa muúx, múk yaariír guri tsuú/, iri tláy iri hotaá áy baraá mar'ír tlaa/ár Etamu.

HAR'OHUUSE 16:30

Samson iri oó', «Xaa aníng ni gwaá' dinkwa nee múk Filisti.» Uheemidá' giri tliwií/ ar /uuruuwós sleémeero. Do'odá' inós guri i huú', dinkwa nee geeraharuusedár múk Filistiro nee muu sleémeero oo baraadií dirii'. Baalaadae múk aa tsuú/ ku ló'wa úr ta ak kudá' aa tsu/i qoomár iwa slafi.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

1 SAMUELI 10:16

Ala Saulo baabuú niináwós guri báy, «Ngina oó' ar adór gwa/aat, adór daqwaayeedá' kara sláy» Ala kángw waawuti'iima kudá' Samueli aa inós báy ngwa ooiiká.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 14:1

Looarka wake Yonatan garmoó Saulo, garmaadá' xooslarós koóm guri báy, «Gimáy qwaláng múk Filisti u harawarahhaán baraá koo/ir'ín tidá' gawit.» Ala Yonatan baabuúwós gwa ádbayká.

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.