HAR'OHUUSE 14:5 - Biblía Axweesantá Hhohho' ar Mungú 2004

⁵ Naagáy Samson nee xwayliiteérós tari /eét Timna, tawa hardáh baraá qamaá sabiíbu awa Timna, na/oó diraangw Samson guna i /oroótl.

HAR'OHUUSE 14:5 Iomraidhean Croise

2 SAMUELI 23:20

Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

1 QOM'I 11:22

Benaya, garmoó Yehoyada, oo Kabse'eli inós a migusmo muruú waa/oo/amo guna tlehhiít. Inós sleeme daaqoó tsár oo Arieli oo Moabu guna tsuú/. Sleeme diraangw guna haraadáh baraá bohoongw qoomaadár tsaaqwaaro gway gaás.

WARA'AMI 91:13

Diraangw nee dayshamo in adarát, na/oó diraangw nee waasla in ya'ár naasuúr.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

YOSHUA 15:10

Diirihe digmuuín iri /uwaá xuú' ay Seiri, bihhaá /iya awa tloomár Yerimu gina ar óh, umuuwós oo hatlá' a Kesaloni. Iri /ee/etín ay Bet-shemeshi, iri waaraáhh ar bihhaá Timna.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

HAR'OHUUSE 14:4

Ala baabuúwós nee aayorose gaarí kaa xuiiká adór tar gár amór AAKOÓ MUNGÚ daahh, asma li/aay gun bu'utá wa slaa' dír múk Filisti. Qoomaadae múk Filisti múk Israeli gun sawaawuti'ii'ín.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

1 SAMUELI 17:35

aníng an eehár, nee ngari hara/akuút, deelmoó bee/i oo aa ót, nguri gawaá afkós wa tuú/. Laqaá tam diraangw bar aníng iga hara/akuút aníng taqesamawós in óh nguri gáwtá wa daáhh, nguri gaás.