HAR'OHUUSE 14:18 - Biblía Axweesantá Hhohho' ar Mungú 2004

¹⁸ Bál faanqwe, dír looa ira datká, mukdaáduú gixsadá' Samson kuri báy, «Gár tsuu' danú ba/a a milá? Gár /uuruú koóm diraangw ba/a a milá?» Inós giri báy, «Kuungá' geera bar damar'eé' aga ar dosli'iiká, geeraawo siníkar'eé' aga sleeri'iiká.»

HAR'OHUUSE 14:18 Iomraidhean Croise

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

AXWEESANOÓ SAGALOOA 30:30

Diraangw, makiito'ór /uuruú koom baraá makaywo. Inós i baloó bihhaá xuiiká dír umuú gaaro.

ESEKIELI 1:10

Umuúqo gaaro gitsee/aá dimbadimbé ngi koon a tsiyáhh. Amór geeraawo a slaqsoó gitsee/aá hee, bihhaá doó /iyayhe a slaqsoó gitsee/aá diraangw, bihhaá doó basayhe a slaqsoó gitsee/aá awu, nee intlarehhirós a slaqsoó gitsee/aá gwareesi.

HAR'OHUUSE 14:17

Ala inós guri i /aa/amamiín deeloodá' faanqw sleémeero ar duuxor'ine. Nee bál faanqwe Samson gari oó', asma inós kwaa ló'wa harakeés nee hareerós. Aluuwo inós kangwdá' gway ó' dír mukós.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.