HAR'OHUUSE 14:17 - Biblía Axweesantá Hhohho' ar Mungú 2004

¹⁷ Ala inós guri i /aa/amamiín deeloodá' faanqw sleémeero ar duuxor'ine. Nee bál faanqwe Samson gari oó', asma inós kwaa ló'wa harakeés nee hareerós. Aluuwo inós kangwdá' gway ó' dír mukós.

HAR'OHUUSE 14:17 Iomraidhean Croise

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

YOBU 2:9

Hareerós guri beér, «Tam hamí aga /átli gan'amu kuwa tlehhit? Mungú /ooslimeek, ta gwá'.»

AXWEESANOÓ SAGALOOA 7:21

Guna afa /aslaa/asliín ar axweesanaywós oo yaariír nee oo fur'ár tsaen, guri bál ar harhheehhe'eemisuuwós kudá' tsuú'.

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

MIKA 7:5

Inslaawmoowók mu harahhiifaar, nee mulqumoowók mu harahhiifaar. Afkók de'eemeek tam dír hareeroge, tidá' ta sla' nee kuúng alguaaimá'.

Luka 11:8

Án a kah, ala tam heedaádá' tleemu ngu slaiikahe as mikaáteedá' ngiwa haniisár ay, as heedaádá' tawa mulqumoowós, ala as heedaádá' iwa kumiiti firooro, in tláy nee gay haniisár áy hariímaarós tidá' inós i slai.

HAR'OHUUSE 14:16

Harér Samson iri /á' dír geeraawós wa alé guri beér, «Kuúng iga áhh, kuúng aníng i sla'ká, kuúng muk'eé' una tsaaxweelír siník i qás, nee gídaabárós dir'eene nga oiká.» Inós hareerós gari báy, «Qaytsiít, tí aníng tam aga ooiiká dír xwayliitér'eene, xay ngi nqo oóa diroge?»

HAR'OHUUSE 14:18

Bál faanqwe, dír looa ira datká, mukdaáduú gixsadá' Samson kuri báy, «Gár tsuu' danú ba/a a milá? Gár /uuruú koóm diraangw ba/a a milá?» Inós giri báy, «Kuungá' geera bar damar'eé' aga ar dosli'iiká, geeraawo siníkar'eé' aga sleeri'iiká.»

HAR'OHUUSE 16:13

Delila Samson guri beér, «Tam ay hamí aníng kuúng in tawo niqiín, looeema nga ooiká, áx ooang adór kuúng tur aleeslay.» Inós gari báy, «Daqoroó faanqw oo se'engw'eé' bura dinkwár i tsék ar warqamo nee kway gawdés ar kiki'i, daqaní /uuruueé' i faak, aníng tari adór heé hatlá'.»

HAR'OHUUSE 16:16

Umuú deelooro Delila ina kuntaatiín, Samson iri slahhaá' baraá muunaáwose, gwa'ara gari fitlín.

HAR'OHUUSE 16:6

Delila, Samson guri beér, «Na'ás /uuruuwók amór i dahi na ooang, adór tseegaro tur aleeslay as tuwa baramaanuusi.»