HAR'OHUUSE 13:6 - Biblía Axweesantá Hhohho' ar Mungú 2004

⁶ /Ameenidá' iri tleér hhawaatuwós guri ádbeér iri ó', «Heeko Mungú nina dir'eéní hardáh, inós slaqsaywo a adór malaykamoó Mungú, inós a heé dae tlaáq. Aníng sleeme ugwa yaahasiiká amór i dahhi, sleeme umuuwós ngwa ooiiká.

HAR'OHUUSE 13:6 Iomraidhean Croise

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

IIMU/UUNGW 32:29

Yakobo guri báy, «Na'ás, umuuwók ooang.» Ala inós iri oó', «Gár umuueé' kus yaahamis a milá?» Yakobo guri tsuúq.

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 17:24

/Ameenidár kwaalo'o Eliya guri beér, «Ar looeemaawo án daxta aga tsaáhh adór kuúng tar heé Mungú, nee axweesantadár AAKOÓ MUNGÚ ta kat ar ló'.»

2 WAAWITÁ 4:16

Elisha gari báy, «Kurko qoomár adór tihe kiíng garma u umiín.» /Ameenidá' iri ó', «Aasla'áy, aakooeé', kuúng a heé Mungú, anír sagadiyuso'oorók mi al/agimaar.»

2 WAAWITÁ 4:9

/Ameenidá' hhawaatuwós guri beér, «Aníng aga tsaáhh heewí umuú daqto diirí kaakáw a heé hhoohhoó' oo Mungú.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

DANIELI 10:11

«Irí báy, ‹Daniéli, kuúngudá' ta sla'aa'an nee Mungú, sihhtanoro galala'aát axweesantí ni kah, iiárií qaaseek ló'wa alé, asma aníng taa amoorók i ya/aáw.› Qoomár iwa axweesantí babay aníng ana sihhiít a hara kitlkiítl.

DANIELI 10:5

Niwa qaytsiít, naxés heé tlabaá neewór kitaáni ngaa tsiit una ár, nee afeetloowose himuú sahaábuú Ufasír daáhh nguna tseek.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 9:29

Qoomár iwa firiirin, kaloó gitsee/awós ina warqáy, tlabaawós nay /awakukuyé', niri miirii/iyé'.

Tlehhema'aá ya/Abuuse 6:15

Mukdá' sleémeero aa iwiit dír kwasleema, Stefano kuri ilií duxún. Gitsee/awós kiwa ár, naxés a adór gitsee/aá malaykamo.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

YOSHUA 14:6

Looár wake tlahhoó Yuda ina amór Yoshua káy baraá Gilgali. Kalebu garmoó Yefune, oo guruú doó Kenisi Yoshua guri báy, «Yoshúa, án ngi slaá' kuúng axweesantadár AAKOÓ MUNGÚ aa oó' dír Mose, heé Mungú, a insleér. Axweesantadá' a daanduú aníng nee kuúng baldá' baraá yaamaá Kadesh-barnearo.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

HAR'OHUUSE 13:10

Ala /ameenidá' iri ta'aaiín, hhawaatuuwós guri beér, «Qaytsiít, heedaádá' naa hardáh, kudá' baloókaaín naa dir'eé' kay.»

HAR'OHUUSE 13:22

Manoa hareerós gari báy, «Gimáy daxta atén a qatlaán, asma Mungú ugwa araán.»

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.

HAR'OHUUSE 13:7

Ala inós aníng ina báy, ‹A tsít nee na/oó garma u xwayluúr.› Iri male báy, ‹Daxta difaái ma wahaar laqaá gár oonitimis, slamí gár ta harmeetin ma /ayaar, asma na/aywí Mungú gwaa tsawaár iimír bál kuwa xwayluya ay bál gwa'ararós.› »

HAR'OHUUSE 13:8

Aluuwo Manoa AAKOÓ MUNGÚ guri firín iwa kaahi, «Aakoó Mungú, aníng kuúng u firiím heedaádá' naa ya/áp male ya/aawang as atén tiwa intsaahhatisi daanduú na/aydá' ta laqwaalana.»

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

1 SAMUELI 2:27

Looár wake heeko Mungú iri amór doó Eli káy, guri báy, «AAKOÓ MUNGÚ i kaahi, ‹Aníng tina xu'utís dír doó baabuúwók Aroni, qoomár tawa baraá Misrírí dirii'i, tawa lawaalér Farao.

1 SAMUELI 9:6

Ala sagadiyusmoodá' Saulo guri báy, «Qaytsiít, baraá gixsarihe heé Mungú i deer, inós a heé ta ilaiwawa/i, sleémeero ar i ooi a looeema. Góh amorqá', dooqa inós kángw aairén kuká' ngu oo'.»