HAR'OHUUSE 13:3 - Biblía Axweesantá Hhohho' ar Mungú 2004

³ Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.

HAR'OHUUSE 13:3 Iomraidhean Croise

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 18:10

Oo wák baraá tla/angw'ine Abrahamu guri báy, «Looeemaá kilae kurko siiwár adoorihe án ni kií/, nee qoomaadae hareerók Sara na/oó garma gwaa sleér.» Qoomaadae Sara i aluuwósí dirí', dír afkú heéma, i iiár qamiín.

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

2 WAAWITÁ 4:16

Elisha gari báy, «Kurko qoomár adór tihe kiíng garma u umiín.» /Ameenidá' iri ó', «Aasla'áy, aakooeé', kuúng a heé Mungú, anír sagadiyuso'oorók mi al/agimaar.»

Luka 1:11

Malaykamoó Aako guri harati'iít, aa sihhiít bihhaá doó /iyáy awa kitangwdá' mooyángw tsuú' kuwa da/a/an.

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

HAR'OHUUSE 13:10

Ala /ameenidá' iri ta'aaiín, hhawaatuuwós guri beér, «Qaytsiít, heedaádá' naa hardáh, kudá' baloókaaín naa dir'eé' kay.»

HAR'OHUUSE 13:15

Manoa malaykamooduú AAKOÓ MUNGÚ guna báy, «Na'ás, daamáng, daa deelmoó leei ngu amohhe'eés as kuúng.»

HAR'OHUUSE 13:6

/Ameenidá' iri tleér hhawaatuwós guri ádbeér iri ó', «Heeko Mungú nina dir'eéní hardáh, inós slaqsaywo a adór malaykamoó Mungú, inós a heé dae tlaáq. Aníng sleeme ugwa yaahasiiká amór i dahhi, sleeme umuuwós ngwa ooiiká.

HAR'OHUUSE 13:8

Aluuwo Manoa AAKOÓ MUNGÚ guri firín iwa kaahi, «Aakoó Mungú, aníng kuúng u firiím heedaádá' naa ya/áp male ya/aawang as atén tiwa intsaahhatisi daanduú na/aydá' ta laqwaalana.»

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,

HAR'OHUUSE 6:14

AAKOÓ MUNGÚ iri warqáy amór Gideoni guri báy, «Tláw ar /uuruuwók kwí úr, múk Israeli tu/ang gawaá dabaá múk Midianiwo. Ahaá heé kuúng u ya/abiít a aningeekáhe?»

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»