HAR'OHUUSE 13:1 - Biblía Axweesantá Hhohho' ar Mungú 2004

¹ Aluuwo múk Israeli tlakweema gina malé tleéhh dír geeraá AAKOÓ MUNGUHE, AAKOÓ MUNGÚ múk Filisti guri /uurií haniís oo múk Israeli nguwa sawaawuti'in ar afiqoomár kureeri mibeeri tsiyahhe.

HAR'OHUUSE 13:1 Iomraidhean Croise

YEREMIA 13:23

Xáy, heé boó/ kalaywós gu qo warqeési, laqaá du'uma biifayaarós gaqo warqeési? Bir ngi aleesláy, daqaní kuungá' sleeme tlehhma'aá hhohho' i aleesleerá', kuungaáká' muruú tlákw ugwa intsahhé' tlehhtuuwo.

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 10:7

Ala AAKOÓ MUNGÚ xoorór Israeli gari i buúhh, giri máy kiwa baali nee múk Filisti nee múk Amoni as kiwa sawaawuti'in.

HAR'OHUUSE 12:15

Abdoni garmoó Hileli heé yaamaá Piratoni, iri gwaá', kuri foól Piratoni baraá yaamaá tlom'i awa múk Amaleki.

HAR'OHUUSE 14:4

Ala baabuúwós nee aayorose gaarí kaa xuiiká adór tar gár amór AAKOÓ MUNGÚ daahh, asma li/aay gun bu'utá wa slaa' dír múk Filisti. Qoomaadae múk Filisti múk Israeli gun sawaawuti'ii'ín.

HAR'OHUUSE 15:11

Múk kume tám oo Yuda tari amór Samsonuú káy baraá mar'ír tlaa/ár Etamu, nguri bayé', «Xáy, a xu'ukáhe adór múk Filisti atén tir sawawuti'ii'ín? Ga/aaweek daxta atén amotlakwér adór tí taa sleér.» Samson giri báy, «Adoodá' naa aníngí tleehhiyé' ana inooín i tleéhh.»

HAR'OHUUSE 15:20

Samson tari har'ohusmoó yaamaá Israeli de'emaá múk Filistiro, afiqoomár kureeraá mibeeraá tsare.

HAR'OHUUSE 2:11

Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 4:1

Alaá Ehudi iwa gwaá' xoorór Israeli tlakweema gina malé tléhh dír ilaá AAKOÓ MUNGUHE.

HAR'OHUUSE 6:1

Xoorór Israeli tlehhma'aá tlakw gina tléhh dír geeraá AAKOÓ MUNGUHE, AAKOÓ MUNGÚ inooín giri haniís gawaá dabaá múk Midiani, har afiqoomár kureeri faanqwe.

1 SAMUELI 12:9

Ala inooín AAKOÓ MUNGÚ Munguúín nguri gunqareesiyé', Mungú inooín giri weeriís baraá dabaá Sisera, geeraharusmoó slaqwaruusér Yabini, waawutmoó yaamaá Hasori, nee baraá dabaá múk Filisti, nee baraá dabaá waawutmoó múk Moabu, inooín nee waawitaáwí tari slaáqw.

1 SAMUELI 4:9

Gimsé', hhawaati'iisé' kuungá' múk Filisti, mutunduwa lawaale tleéhh nee múk Ebrania, adoodá' inooín tar lawaalerhúng, hhawaati'iisé' nee inooín tawa slaqwa'.»

1 SAMUELI 7:13

Gawaá adoorihe múk Filisti kuri arbaá/, tam yaamaá múk Israeli ngaa male kala/ii'iiká, AAKOÓ MUNGÚ múk Filisti guri ilaá/ deelo sleémeero ar Samueli iwa slafi.