HAR'OHUUSE 12:5 - Biblía Axweesantá Hhohho' ar Mungú 2004

⁵ Múk Gileadi loohír Yordani ngiri tseegiyé' as múk Efraimu miwa /akumiít. Umuú qoomaaro heé Efraimu bira didií hardáh as iwa waaraahhi, múk Gileadi guna yaahaás, «Xáy gan, kuúng a heé tlahhoó Efraimuwo?» Nee bira oó', «Aasla'áy,»

HAR'OHUUSE 12:5 Iomraidhean Croise

1 WAAWITÁ 11:26

Yeroboamu garmoó Nebati, heé tlahhoó Efraimu oo yaamaá Sereda, inós a sagadiyusmoó waawutmo Solomon. Aayoorós a kwaalo'o, tidá' ta bay Serua. Yeroboamu sleeme ina dee/anuút dír waawutmoowo.

YOSHUA 2:7

Naagáy mukduú Yeriko tana /akumiít mukduú Israeli kuri eehár ay waarahhmaá yaaér Yordani. Inooín niwa tlayé', afkú gixsa kuri aluuín wa tseék.

YOSHUA 22:11

Kaangwí iri hardáh baraá iaá tlahhi'iidaá hatlá' awa xoorór Israeli, adór tlahh'aá Reubeni nee Gadiwo nee tlaqtá tlahhoó Manase kitángw yangaariír oo ilahhooa ngura tleehhiyé' dír digmuú yaamaá Kana'ani afaá yaaér Yordani, gayuú yaamaá múk Israeli.

HAR'OHUUSE 12:4

Naagáy Yefta múk Gileadi sleémeero guri dinkwár i burumbuúr, tari slaáqw nee múk Efraimu, múk Efraimu kuri baál nee múk Gileadi. Mukwí oo Efraimu aáng múk Gileadi gun baabay, «Kuungá' múk Gileadi aáng a tlahhoó Efraimu, ana baraadá' wa ti'ité' tari daté' baraá tlahhoó Manase.»

HAR'OHUUSE 12:6

kuna bay, «Ax too, Shiboleti.» Inós iri ooi, «Siboleti», as iwa tifqimiisi, kuri oh, kuri gaas didár kilár waarahhamuú yaaér Yordani. Múk tlahhoó Efraimu oo kume mibeeri tsiyáhh nee tsár kuri tsuú/.

HAR'OHUUSE 17:7

Qoomaadár kilae masoomoko wák oo tlahhoó Laáwi i deer oo baraá gixsár Daudi ar ta bay Betilehemu, ar baraá yaamaá Yuda.

HAR'OHUUSE 3:28

Giri báy, «Aníng na eeharaaré' asma AAKOÓ MUNGÚ wakuuserhúng tidár Moabu ngaa gawaá dabaahúng i qaás.» Ehudi nguri eehariyé', tari /eét ay amór yaaér Yordani, didá' ta warhhaahhati ar ya'a', ngiri hayoohiyé', ngiri tseegiyé', tam heé wák aa waarahhiiká.

HAR'OHUUSE 7:24

Gideoni iri ya/abín ay yaamuudaá tlom'i awa Efraimu iwa kaahi, «Qwalaasé' /akumitaré' as nee múk Midiani tawa slaqwaan. Wa/aamedár ma'aay kay hhekiiti hayoohare' tam ay Bet-bara nee yaaér Yordaniro sleeme.» Naagáy múk Efraimu sleémeero kuri dinkwárí ateét, wa/aamedár ma'aay ki hhekiiti ngiri hayoohiyé' ay amoodár Bet-bara tam ay yaaér Yordani sleeme.

1 SAMUELI 1:1

Heeko wák i deér baraá yaamaá Rama-taimuro ar yaamaá tlom'i, oo hhay Sufi oo tlahhoó Efraimu. Umuuwós ku bay Elkana, garmoó Yerohamu, Yerohamuú Elihu, Elihuú Tohu, Tohuú Sufi, heé tlahhoó Efraimu.