HAR'OHUUSE 12:3 - Biblía Axweesantá Hhohho' ar Mungú 2004

³ Qoomár aníng ngiwa tsaáhh adór kuungá' ira sié' tu/uto, tsamuúeé' una tluú', niri slaqwarár áw, AAKOÓ MUNGÚ múk Amoni nguri qaás gawaá dabaaeé'. Asma milá laarí aníng nee kuungá' gár tas slaqwaan?»

HAR'OHUUSE 12:3 Iomraidhean Croise

2 QOM'I 13:12

Ga/aawaak, Mungú inósuú kilá' an geeraharusmoorén, nee kaahamuusér Mungú i taruumbetadaá koón, taa amohhe'és ufahharo, as tawa layár slaqwara imu/uuma nee kuungá'. Kuungá' múk Israeli, ma slaqwara' nee AAKOÓ MUNGÚ, Munguú baabi'iihúng, asma kuungá' a baloó baalinda'aaká.»

YOBU 13:14

Aga ya/aám tam slafingw'eé' baraá tsaxwií dahaasaro.

WARA'AMI 119:109

Slafingw'eé' i baraá tsaxwa umuú daqto, ala dabeerók a gunqareesaaká.

Rumi 16:4

Inooín kina lak iso tlaáq as slafingw'eé' nguwa ba/amisiya'. Aníng inooín in sluufmiís. Ala a aníng kilooeeneeká, ala tam kríshaanáy sleémeero oo múk xoordaá hatlá' inooín gin sluufmiis.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.

HAR'OHUUSE 11:27

Aníng kuúng ugwa sadakuusiiká, nee án bir i haratlatleér a dakumís. AAKOÓ MUNGÚ kuduú kwasleemusmo kasi laarí ngi tsati tla/ángw múk Israeli nee oo Amoniwo.»

HAR'OHUUSE 12:2

Yefta giri báy, «Aníng nee muk'eé' ana hootaán ar wakaari nee múk Amoni, qoomár aníng kuungá' nuwa firiím, ala kuungá' aníng iga tu/utá eeri'iiká.

HAR'OHUUSE 12:4

Naagáy Yefta múk Gileadi sleémeero guri dinkwár i burumbuúr, tari slaáqw nee múk Efraimu, múk Efraimu kuri baál nee múk Gileadi. Mukwí oo Efraimu aáng múk Gileadi gun baabay, «Kuungá' múk Gileadi aáng a tlahhoó Efraimu, ana baraadá' wa ti'ité' tari daté' baraá tlahhoó Manase.»

HAR'OHUUSE 9:17

Baabuúeé' hhiintluuwós gwaa lak qwaareés as kuungá' nuwa aleeslaqwi nee nuwa tu/i gawaá dabaá múk Midiani wa aleeró.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»

1 SAMUELI 28:21

Ala /ameenidá' ina amór Saulo keér, Saulo nguwa aán aa gwaá' de'eero, guri beér, «Ga/aaweek anír sagadiyuso'oorók kuúng una iiárií qaás, slafingw'eé' una baraá tsaxwií dahás, as adoodá' aníng kuúng iwa beér adoosíng tleehhang.