HAR'OHUUSE 11:40 - Biblía Axweesantá Hhohho' ar Mungú 2004

⁴⁰ Umuú kurko /ameenár Israeli in tsuunqumaamís deelo tsiyahhe as gwa'arár dasír Yefta, garmoó Gileadi.

HAR'OHUUSE 11:40 Iomraidhean Croise

1 WAAWITÁ 9:25

Solomon do' tlehhmuuwo nguwa hhe'eés, umuú kurko ilahhooár da/a gan hamaamiis sagaáwa tám, nee ilahhooár wayduuwo, gawaá kitangw ilahhooa, kudá' inós aa tleéhh as AAKOÓ MUNGÚ. Ilahhooa gari daá/ gawaá kitangwdá' dír geeraá AAKOÓ MUNGÚ i dirií'.

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

ESTA 9:27

Múk Yahudi deeloorí tsár gari qaás tawa dawa dir'ine nee dír na/ii'ine, nee dír mukdá' sleémeero aa dir'ín i haragwaa', matawa baloó slaaqaát deeloorí tsár inslaslaango qoomaarós bira xeér, umuúqo kurko, ar adoodá' Mordekai ngira gooín.

HAR'OHUUSE 11:39

Alaá slahheeraá tsár niwa waaraahhiyé', iri amór dó' i wátl. Baabuúwós al'axweesantós gari boo/eés ar adoodá' ngira axweés. Dasiirí nee hhawaata taa alqaatiiká. Iimír qoomaadae dakwí iri iimu/ún baraá Israeliro.

HAR'OHUUSE 12:1

Tlahhoó Efraimu tari dinkwárí burumburiít tari tláy yaaér Yordani kari waaraáhh ay amór Safoni, Yefta nguri bayé', «Asma milá atén mista atetká yaaér Yordani kawa waaráhh qoomár tawa slaqwarár eér amór múk Amoni? Hamí daxta do'ók un kuúng alda/aán.»

HAR'OHUUSE 5:11

Afór boo/oó muu oo dír hhaleerí iiárií qaasaak, arba/atír AAKOÓ MUNGÚ ngin alki/iitiyá', nee arba/atír doosluuseerós ar Israeli. Aluuwo múk AAKOÓ MUNGÚ niri baraá gixsar'ínií /eét.