HAR'OHUUSE 11:34 - Biblía Axweesantá Hhohho' ar Mungú 2004

³⁴ Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

HAR'OHUUSE 11:34 Iomraidhean Croise

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

WARA'AMI 150:4

Xirfayeemisaak ar oowi nee ni/ima. Xirfayeemisaak ar seése nee filiímbi.

WARA'AMI 68:25

Daauuse i hháw geera, múk gidaandoori i hháw alu, /amaatliitér mataárír slahhaam i baraá tla/aangw.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Luka 7:12

Dír dahmuú gixsa kuwa áy, tuuarka kana didií áy, kingi tsee/áy loohiis. Inós a na/oó garma oo wák dír aayoorose, slám aayoorós a kwaalo'o. Múk yaariír oo baraá gixsa nee inós ti koná'.

Luka 8:42

asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Luka 9:38

Heeko wák baraá boo/aywo ina tseé' i kaahi, «Intsaahhatusámo, án kuúng u firiím, na/ay'eé' areek. Asma an na/ay'eé' oo kilós.

YOSHUA 18:26

Nee Mispe nee Kefira, nee Mosa,

HAR'OHUUSE 10:17

Naagáy slaqwaruusér múk Amoni tari amohhe'eesiyé', xafay'ín nguri tleehhiyé' baraá yaamaá Gileadi, nee múk Israeli ina burumburiít, xafay'ín nguri tleehhiyé' baraá Mispa didár yaamaá Gileadi.

HAR'OHUUSE 11:11

Yefta nee bariiseedár Gileadi tiri alkoné', inós kuri waawutmooín wa qaás. Yefta iri axweés dír AAKOÓ MUNGÚ baraá Mispár alé.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

HAR'OHUUSE 21:21

daqaní ilakaaharu ku ló'wa tlehhá'. Dasuú Shilo birna tsee/ií ti'iít qoomár deelór ure barta ni/ín, kuungá' ta baraá qamaá sabiíbu wa ti'itá', umuú heewo dasi ngi oohi tawa hareerós. Aluuwo ta ki/á' baraá yaamaá Benyamini.»