HAR'OHUUSE 11:3 - Biblía Axweesantá Hhohho' ar Mungú 2004

³ Ala Yefta hhaeewós kuká' giri ilagoów, iri hotaá áy yaamaá Toburí ale, amoodae múk barawaslén guna i burumburiít, tari alkoomaakoné' qoomár barta gauú áy.

HAR'OHUUSE 11:3 Iomraidhean Croise

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 10:8

Múk Amoni tindina ti'iít as slaqwara, tari amohhe'eesiyé' dír afkú slumtá gixsár Rabár wa ale, an gixsar'ín ar ur. Ala múk Aramu inooínaadá' Sobár dahhá' nee oo Rehobúr daáhh, nee mukdá' Tobúr daáhh, nee Ma'aka, tina amohhe'eesiyé' baraá tse/aá /awaák wa ale.

Tlehhema'aá ya/Abuuse 17:5

Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

HAR'OHUUSE 11:2

Gileadi na/aá hatlá' gina laqwaál nee hareerós ar bi/i. Na/aá hareerír bi/i niwa uraarayé', Yefta nguri guusiyé' dír do'o, nguri bayé', «Kuúng aalirók i káhh dír baabuúrene, asma kuúng a na/oó /ameenír hatlá'.»

HAR'OHUUSE 9:4

Mukdá' parhheemaá mibeeraá faanqw awa muqslár peésa gari leéhh baraá doó munguúdá' ta bay Ba'al-beriti, kari haniís dír Abimeleki as ngiwa tlaxwi ar múk baraawaslén oo hhasloowaslén.

1 SAMUELI 22:2

Umuúqo heé baraá slahh'amií dirií', nee umuúqo heé iinár kooma, nee mukdá' sleémeero baraá muner'ine slahhahhaá' tana burumburiít dirós i ale, inós tari geeraharusmooín. Mukdá' aa burumburiit dirós tsiire tsiyáhh ga áy.

1 SAMUELI 27:2

Gawaá adorihe, Daudi nee mukós kuduú tsiire lahhoó' tana tláy ar gaanslaay, tari hardáh amór Akishi garmoó Maoki, waawutmoó yaamaá Gati.