HAR'OHUUSE 11:26 - Biblía Axweesantá Hhohho' ar Mungú 2004

²⁶ Qoomár múk Israeli yaamaá Heshboni ngiwa oohiyé' nee ayeemoowose, Aroeri nee ayeemoowose, gixsadudaá gangeefír yaaér Arnoni har afiqoomár kureeri tsiire tame, iimidae yaamuuká' gár kisa tu/uká a milá?

HAR'OHUUSE 11:26 Iomraidhean Croise

YEREMIA 48:19

Kuungá' yaamuloouusér Aroeri, sihhiité', afaá loohi sihhiitaak, xumiisé', umuú hhawaatuú naa ta'aain /ameenír naa kotsqot, yaahasaak ku beera', «Gár naa /awuur?»

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

DABE 2:24

«Naagáy AAKOÓ MUNGÚ atén tari báy, ‹Gimsé', aai iimu/umaak. Yaaér Arnoni, waarahhaak. Aníng waawutmo Sihoni, oo xoorór Amori kudá' Heshbonír hoót nee yaamuuwose ngwa gawaá dabaahúng i qaás. Yaamu i haratlawaak nee aaliro iimu/umaak.

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

DABE 3:2

Ala AAKOÓ MUNGÚ ina báy, ‹Mu da'ayumiitaar, asma ngwaa qaroó haniís gawaá dabaawók, inós nee mukós sleémeerowo dinkwa nee yaamuuwose. Kuúng inós un adór Sihoni tléhh, waawutmoó múk Amori kuduú Heshboni.›

DABE 3:6

Umuú gaaro ana hhaamiisaán amoodae, umuú gixsa kari hhitimaán, nee hhawaate nee /ameena nee na/iiwo nee gixsaduuwo ina adór kudaá waawutmo Sihoni oo Heshboni laqaán.

YOSHUA 11:18

Yoshua nee waawitaáwí sleémeero tana slaqwaaqún ar har afiqoomár tleer.

YOSHUA 12:2

Waawutmoó geera a Sihoni kuduú múk Amori, kudaádá' baraá gixsár Heshboni gaa hoot. Inós ina waawuti'ín iimír gixsár Aroerír wa alé, tidár baraá xatstá Arnoni, ay amór yaaér Yaboki, tidá' digmuú yaamaá Amoni, waawuti'iimarós iri hardát ay tla/auhuú yaamaá Gileadi.

YOSHUA 12:5

Yaamaá aa sawaawuti'ín bihhaá /iko ay tloomár Hermoni, bihhaá basko ay gixsár Saleka. Yaamaá Bashani sleémeero a kós, ay yaamaá Geshuri nee awa Ma'akati bihhaá da/aawe, bihhaá /iko ay tla/auhuú Gileadi, bihhaá basko ay digmuú yaamaá waawutmo Sihoni oo Heshboni.

YOSHUA 13:10

Gixsadu sleémeero awa Sihoni waawutmoó xoorór Amori, kudá' aa waawuti'in iimír Heshbonír wá ale ay digmuú xoorór Amori.

YOSHUA 13:16

Yaamuudá' nina iimír Aroerír wa tlayé' ay afaá duxuú Arnoni nee gixsár baraá tla/ángw xatsa ay xatsoodaá Medeba sleémeero,

YOSHUA 13:17

dinkwa nee yaamaá Heshboni nee gixsaduuwós sleémeero kudaá baraá xatsto. Gixsadudá' an Diboni nee Bamot-ba'ali nee Bet-ba'al-meoni.

YOSHUA 23:1

Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.

HAR'OHUUSE 10:8

Inooín qoomaadae múk Israeli nguna slahh'eemisiyé' nee nguna baramaanusiyé'. Har afiqoomár kureeraá mibaá nee dakaate múk Israeli kudá' hotatiím baraá yaamaá múk Amorír wa ale, gayuú da/aáw oo yaaér Yordani baraá yaamaá Gileadi, kuna waanjín nee kuna ló'wa slahh'eemiís.

HAR'OHUUSE 3:11

Yaamu wayda nguri slayé' ar har afiqoomár kureeraá mibeeri tsiyahhe. Aluuwo Otnieli garmoó Kenasi iri gwaá'.

HAR'OHUUSE 3:30

Naagáy múk Moabu kuri baál nee xoorór Israeli, har kureeraá mibeeri dakaate, yaamu niri amohhoouyé'.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

HAR'OHUUSE 8:28

Naagáy múk Midiani kuri ló'wa arbaá/, tam múk Israeli ngwaa baloó dae tsati'iiká. Yaamaá Israeli wayda ngway slayé' ar afiqoomár kureeri mibeeri tsiyáhh de'emaá Gideoniwo.

HAR'OHUUSE 9:22

Abimeleki múk Israeli guri sawaawuti'ín har afiqoomár kureeraá tame.