HAR'OHUUSE 11:11 - Biblía Axweesantá Hhohho' ar Mungú 2004

¹¹ Yefta nee bariiseedár Gileadi tiri alkoné', inós kuri waawutmooín wa qaás. Yefta iri axweés dír AAKOÓ MUNGÚ baraá Mispár alé.

HAR'OHUUSE 11:11 Iomraidhean Croise

2 korinto 3:5

Asma atén kiloorén aleesleemuú taa koomaan i kaahh. Gawaá adoorihe atén a ooanaaká gaarí a gadiyér atén taa tleehhaan. Aleesleemuurén dír i dahhi a dír Mungú.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

YOSHUA 15:38

nee Dileani, nee Mispe nee Yokte'eli,

HAR'OHUUSE 10:17

Naagáy slaqwaruusér múk Amoni tari amohhe'eesiyé', xafay'ín nguri tleehhiyé' baraá yaamaá Gileadi, nee múk Israeli ina burumburiít, xafay'ín nguri tleehhiyé' baraá Mispa didár yaamaá Gileadi.

HAR'OHUUSE 11:12

Yefta afo gari ya/aáw amór waawutmoó Amoni, guri báy, «Gám atén nee kuúng gaa a milá, misinda ayaarén i haratleér?»

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

1 SAMUELI 10:17

Naagáy Samueli muu guri burumbuúr geeraá AAKOÓ MUNGÚ baraá Misparí ale.

1 SAMUELI 11:15

Múk aáng sleémeero tari tláy ay Gilgali, Saulo kuri waawutmoó wa qaás dír geeraá AAKOÓ MUNGÚ baraá Gilgali. Ilahhooár wayda ar muruú ta tsu/i kari haniís dír AAKOÓ MUNGÚ. Saulo nee muu sleémeero oo Israeli tari qwalalaá/ kángw kilá' wa ale.

1 SAMUELI 8:21

Samueli axweesantadá' sleémeero ar muu gana iiárií qaás, gari alki/iít dír AAKOÓ MUNGÚ.