HAR'OHUUSE 11:10 - Biblía Axweesantá Hhohho' ar Mungú 2004

¹⁰ Bariiseedá' iri oó', «Ar tsuwa ló', AAKOÓ MUNGÚ a lamabu'usmoó tí, atén adoosíng kuúng ta sla' ngi tleehhaán.»

HAR'OHUUSE 11:10 Iomraidhean Croise

IIMU/UUNGW 16:5

Sarai Abramu guri beér, «Slasla/aruuwí aníng iga slay masók i gawaawók. Aníng sagadiyuso'or'eé' ngina haniís, ala inós ngiwa aán a tsiiháy, aníng daxta iga waaqá'. Ala AAKOÓ MUNGÚ sakwasleema ngi tsati dír án nee kuunge.»

IIMU/UUNGW 21:23

Gím daxta, lo'o /ayeek ar umuú Mungú, ar kuúng gár tlaakw ngiwa aníng i tlehhká, laqaá na/iieé', laqaá na/aá nangw'eé', ala aqo ar adoodár gurhhooadá' aníng naa kuúng i tleéhh, kuúng ngin aníng i tléhh, baraá yaamuká' tawa hot.»

IIMU/UUNGW 31:50

Dasuueé' bura baramaanús, laqaá bar /ameenár hatlá' aga duxút, tam heé xumiís i kahhi, inslaweek, Mungú i xumiis.»

IIMU/UUNGW 31:53

Munguú Abrahamu, nee Munguú Nahori, Munguú baabi'ii'ín, kasi ngi tsati tla/angwrene.» Yakobo lo'o gari /aáy ar umuú Mungú, Kudá' baabuúwós Isaka i da'ayuumiti.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

YEREMIA 42:5

Naagáy muu Yeremia guri báy, «Masók AAKOÓ MUNGÚ a lamaabu'usmoó ló' nee oo inkihhimuú koóm daanduurene, barnaxes axweesantadá' AAKOÓ MUNGÚ Munguúwok uwa amoorén i ya/aáw aga tleehhaniiká.

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

SEKARIA 5:4

AAKOÓ MUNGÚ Aleesleemusmo i kaahi, «Aníng lo'oorí an ya/aáw iri dát baraá maraá fisuuse nee baraá maraá mukdá' lo'ór lama ngi /aa/ayá', lo'oorí maray'ín giri eér, giri /ák tam waqas nee tla/uuwo.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

DABE 1:16

«Qoomaadae har'ohuuserhúng ana kaangwí báw, ‹Qaa/oó mukhúng iiárií qamimaak, kwasleemár mukhúng tlaaqaak ar adór ganaa', nee ar hoomaadá' baraá ayaahúng hoota.

HAR'OHUUSE 11:9

Yefta bariisér Gileadi gari báy, «Aníng kuungá' in amorhúng i malé ki/iimisá' as tawa slaqwaan, barnaxes múk Amoni AAKOÓ MUNGÚ ngwa qaás gawaá dabaarén, aníng kuungá' i waawutmoohúng wa qasá'.»

1 SAMUELI 12:5

Inós inooín giri báy, «AAKOÓ MUNGÚ nee waawutmoowo a lamabu'uuse laarí, adór kuungá' gár tlaakw taa sleeré' dir'eene ir káhh.» Inooín tari oó', «AAKO a lamabu'usmo.»

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.