HAR'OHUUSE 11:1 - Biblía Axweesantá Hhohho' ar Mungú 2004

¹ Baraá Gileadiro heeko wák i deer, inós a migusmo, umuuwós a Yefta, ala aayoorós a tsaatuso'o, umuú baabuúwós a Gileadi.

HAR'OHUUSE 11:1 Iomraidhean Croise

2 WAAWITÁ 5:1

Na'amani, geeraharusmoó slaqwaruusér waawutmoó Aramu, inós an heé ló'wa iia tleér, nee oo ta ló'wa slai nee aakoowós, asma ar loohír inose AAKOÓ MUNGÚ yaamuuín gina arba/atírí haniís. Inós an slaqwarusmoó pihhusmo, ala inós i tiqtír tsatmituú kón.

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

HAR'OHUUSE 10:18

Didaádae múk Israeli nee geeraharuuser'ín tina yaahamiisiyé' tawa kaahi, «Xáy, heé ti geerahaár a heemá bar aga slaqwarár awaán nee múk Amoni? Heé atén taa geerahaar un waawutmoorén wa qaasaán baraakaá Gileadiro.»

HAR'OHUUSE 11:2

Gileadi na/aá hatlá' gina laqwaál nee hareerós ar bi/i. Na/aá hareerír bi/i niwa uraarayé', Yefta nguri guusiyé' dír do'o, nguri bayé', «Kuúng aalirók i káhh dír baabuúrene, asma kuúng a na/oó /ameenír hatlá'.»

HAR'OHUUSE 6:12

Malaykamoó AAKOÓ MUNGÚ Gideoni guri haraaxáy guri báy, «Aá migusámo, AAKOÓ MUNGÚ i dinkwa nee kuúng.»

1 SAMUELI 12:11

AAKOÓ MUNGÚ Yeruba'ali, nee Baraka nee Yefta, nee Samueli gina ya/aáw, kuungá' nuri tu/iyé' baraá dabaá wakuuserhúng wa ale bihhe sleémeero, kuungá' tari hoté' ar amohhooa.