HAR'OHUUSE 1:29 - Biblía Axweesantá Hhohho' ar Mungú 2004

²⁹ Tlahhoó Efraimu múk Kana'ani, kudá' baraá yaamaá Geserír hoót ngwa guusi'iiká, ala múk Kana'ani kuduú baraá Geseri nee inooín tana alhoót.

HAR'OHUUSE 1:29 Iomraidhean Croise

1 WAAWITÁ 9:15

Gaarí an gár waawutmo Solomon muu ngusa /uurutamís baraá gadiyér tlehhnuú doó Mungú, nee do'ós oo kilá', nee koo/ír gawit ar Milo, nee koo/ír Yerusalemu nee gixsár Hasori kawa /abeesi, nee Megido nee Geseriro.

1 WAAWITÁ 9:16

Farao, waawutmoó Misri iri haratláy, Geseri gana hayóh, gana daá/ ar asla, múk Kana'ani kudá' baraadá' hoót guna tsuú/, dasiirós tidá' Solomon aa duúx gana gixsarí haniís.

YOSHUA 10:33

Waawutmo Horamu kudaáduú gixsár Geseri, inós múk Lakishi guna alee/iisár áy, ala Yoshua nee slaqwaruuseerós waawutmo Horamu nee slaqwaruuseerose kiri tsuú/. Tam heé wák oo aa meet i kaahh.

YOSHUA 16:10

Ala tlahhoó Efraimu xoorór Kana'ani tidár baraá Geserír wa hoot nga guusi'iiká, ala nina hootiyé' baraá tla/ángw tlahhoó Efraimu wa ale ay laarí. Ala xoorór Kana'ani kana lawaaler'ín tleéhh, kina gadiyér gawídií sláy, ar tawa bihhií noongo'ootiiká.

HAR'OHUUSE 1:28

Ala qoomár múk Israeli /uuru nguwa sláy, mukduú Kana'ani ngwa guusa hhe'eesi'iiká ala nguna qaminé' baraá gadiyedaá tawa bihhií biririkitiiká.

HAR'OHUUSE 1:30

Tlahhoó Sebuluni, yaamuloouusér Kitroni nee yaamuloouusér Nahalalír hoót ngaa guusi'iiká, ala múk Kana'ani kudá' baraá tla/angw'ín hoót kuna /uurutís baraá gadiyedaá tawa bihhií noongo'ootiiká.