HAR'OHUUSE 1:20 - Biblía Axweesantá Hhohho' ar Mungú 2004

²⁰ Naagáy Kalebu kuri Hebroni i haniís ar adoodá' Mose ngira oó', inós tlahh'aá tám awa Anaki giri tlatlahhaás.

HAR'OHUUSE 1:20 Iomraidhean Croise

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 14:24

Ala sagadiyusmooeé' Kalebu a heé dimbé, inós aníng ina eehár ar muunaáwós sleémeero. Aníng inós u huúw ay baraá yaamuudá' aa adaráh, inós nee xwaylarós kiri aal.

DABE 1:36

Aqo har Kalebu garmoó Yefune in hardah, aníng yaamuudá' inós aa adaráh ya'aawose in dirós i haniís nee xwaylarós, asma inós ku ló'wa inkihhím dir'eene.›

YOSHUA 10:36

Aluudae inooín tay tláy dír Eglonír wa ale, ay gawaá geetuú tloomár Hebroni, gixsadá' ngiri i haratlayé'.

YOSHUA 11:21

Qoomaadae Yoshua ina tláy múk Anaki guna hhaamiís nee gixsaduine nee kudá' yaamaá tlom'aá hootá', iimír Hebronír wa tleemu ay Debiri, ay Anabu, nee yaamaá gongoamaá Yuda nee awa Israeli.

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

HAR'OHUUSE 1:10

Múk Yuda iri haraatláy amór múk Kana'ani oo baraá Hebronír hoót. Umuuwí Hebroni aáng ku babay Kiriat-arba. Inooín tlahh'aá tám awa Sheshai nee Himani nee Talmai kiri baál.