HAR'OHUUSE 1:2 - Biblía Axweesantá Hhohho' ar Mungú 2004

² AAKOÓ MUNGÚ iri oó', «Tlahhoó Yuda i giirin, asma yaamuusíng aníng i gawaá dabaaíní qaás.»

HAR'OHUUSE 1:2 Iomraidhean Croise

FAARO 2:3

«Múk xafay'ín gu tleéhh bihhaá da/aáw amoodá' tsee/aamá niwa ti'imiiti, a bohhudaá dír bendeérár tlahhoó Yuda. Geeraharusmoó tlahhoó Yuda a Nashoni garmoó Aminadabu.

FAARO 7:12

Naagáy, bál geeraawo heé ilahhooa gaa huuw a Nashoni garmoó Aminadabu, heé tlahhoó Yuda.

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»

HAR'OHUUSE 1:3

Tlahhoó Yuda hhaeeín awa tlahhoó Simeon ngiri bayé', «Qwalaasé' ti alkoomaán baraá slaqwararén tí ar xoorór Kana'aniro, as kahhó' yaamuurén kuká' ngiwa hayohaan, daqaní atén kuungá' nu tu/aán baraá slaqwarár yaamuuhunge.» Tlahhoó Simeon iri ya/án tiwa alkona' nee tlahhoó Yuda baraá slaqwararo.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»