HAR'OHUUSE 1:19 - Biblía Axweesantá Hhohho' ar Mungú 2004

¹⁹ AAKOÓ MUNGÚ múk Yuda guna alee/iís, inooín múk baraá yaamaá tlom'aá hoót nguri guusiyé', ala kudá' baraá xatstá hoót kwa aleeslayká guusaro, asma mukdá' i gaardaá muqslár kón.

HAR'OHUUSE 1:19 Iomraidhean Croise

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

2 SAMUELI 5:10

Daudi iri ak iia tleerúy, asma AAKOÓ MUNGÚ, Munguú Aleesleemusmo, nee inós a dinkwa.

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

WARA'AMI 60:12

Mungú bir bartarén i dirii', atén a baalimaán, asma Mungú wakuuseerén ga yaamaá harakalaa/.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

HAR'OHUUSE 1:2

AAKOÓ MUNGÚ iri oó', «Tlahhoó Yuda i giirin, asma yaamuusíng aníng i gawaá dabaaíní qaás.»

HAR'OHUUSE 4:13

garduuwós sleémeero, kudaá muqsla awa tsiire gwaleél, nee mukós sleémeero kuduú dinkwa nee inós baraá Harosheti-hagoimuro guri burumbuúr dír yaaér Kishoni.

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 18:5

Daudi umuú dír kwi qoo ya/aawi nee Saulo, umuú gaaro aqo ina qoón. Gawaá adoorihe Saulo guri uráy haniís dír slaqwaruuseerose. Kaangwí muu sleémeero guri saqwalaá/, tam sagadiyuusér Saulo sleeme.