HAR'OHUUSE 1:16 - Biblía Axweesantá Hhohho' ar Mungú 2004

¹⁶ Xwaylár Keni, taatoó harér Mose, nina gáwtí tsa/ané' iimír baraá gixsadár slaansla, dinkwa nee múk Yuda, tay dáh baraá xaanxoó Yuda, kuduú baraá Negebu bihhaá yaamaá Aradi, inooín nay tlayé', niri alhootiyé' nee múk yaamuudá'.

HAR'OHUUSE 1:16 Iomraidhean Croise

1 QOM'I 2:15

Oo lahhoó' a Osemu, nee oo faanqw a Daudi.

1 QOM'I 2:55

Tlahh'aá goouuse kudá' baraá yaamaá Yabesír hootá', a kuká': Múk Tirati, nee oo Shimeati nee múk Sukati. Mukwí oo Keni oo xwaylár Hamati, inós an aakoó tlahhoó Rekabu.

2 QOM'I 28:16

Qoomaarihe waawutmo Ahasi afo gana ya/aáw ay dír waawutmoó Ashuru as alee/isaay nguwa firin.

TI'INAANGW 18:1

Kaahamusmoó yaamaá Midiani oo ta bay Yetro, inós a taatoó harér Mose, kángw muruudá' Mungú aa tlehhaahhiít dír Mose nee xoorór Israeli, nee adór kingira duúx baraá Misrír wa ale, ngiwa axaás,

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 18:27

Alaá tihe Mose nee taatoó hareerós tiri deelór bayé', naagáy aakoodá' iri waátl ayaawósí alé.

TI'INAANGW 18:7

Mose iri tláy as ngiwa al'ay. Tiwa doogiyé', iri tumbarara'aát dír geeraá taatoó hareerós, guri ma'aás. Saayú nguwa hhe'eesiyé' hayooharo, tari dáh baraá heéma.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 4:18

Mose iri kií/ amór Yetro taatoó hareerós, guri báy, «Na'ás aníng geemawáng niwa amór hhaee'eé' kaw baraá Misri, ngiwa artá aw, áx i slafiía ay laarí.» Yetro Mose guri báy, «Tláw ar wayda.»

YEREMIA 35:2

«Tláw dír múk gurú doó Rekabu, axweés nee múk do'odá'. Daqaní mukdá' ngu húp baraá doó AAKOÓ MUNGÚ, baraá kutuwír wák, ki difaáír i hanís, ka wahi.»

FAARO 21:1

Waawutmooko wák oo múk Kana'ani oo Aradi oo amór Negebúr hoót, gana axaás adór múk Israeli ir hi'iít ar loohír Atarimu, giri i haraatláy, muu bahh'ale guri hayóh.

Matayo 3:1

De'emaadae Yohanedá' Baatimaamiís nina hardáh, axweesantá Mungú gana alki/iít baraá darmuú Yudeár wa ale, iwa kaahi,

DABE 34:3

Nee darmuú Negebu, nee yaamaá darmuú Yeriko nee gixsadár slaansla, ay Soari.

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

YOSHUA 12:14

waawutmoó gixsár Horma, nee oo Aradi,

YOSHUA 18:21

Gixsadaá taa tlahhoó Benyaminiwí haniís a kuká': Yeriko, nee Bet-hogla, nee Emek-kesisi,

HAR'OHUUSE 1:15

Dasiirós guri beér, «Baabá, yaamuudaá basa kuúng naa aníngí hanís i baraá xaanxoó Negebu, gimáy male qawáng hhaleeraá kutltá kooma'a.» Kalebu gari hhaleeraá ma'áy haniís awa gawaá diindirma' nee awa baraá tlapuwo.

HAR'OHUUSE 3:13

Egloni xoorór Amoni nee Amaleki gana burumbuúr, tari slaáqw nee xoorór Israeli, xoorór Israeli kari baál. Inooín gixsadár slaansla ngari hayoohiyé'.

HAR'OHUUSE 4:11

Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.

HAR'OHUUSE 4:17

Ala Sisera ina daantsamaamiít ti'iingo ar ya'a', iri dáh baraá heémár Yaeli, harér Heberi kuduú xoorór Keni, asma Yabini waawutmoó Hasori nee doó Heberi oo xoorór Keni ilaaín ki hho'.

1 SAMUELI 15:6

Saulo múk Keni guri báy, «Gimsé', tlawé' ti paratle' dír múk Amalekiro, aníng kuungá' munduwa dinkwaárí hhaamiís nee inooín, asma kuungá' múk Israeli una hhoeemáy tlehhé' qoomár niwa ti'iitiyé' Misrír wa ale.» Naagáy múk Keni tari tláy, tiri paraatliyé' dír múk Amalekiro.

1 SAMUELI 27:10

Akishi Daudi guri báy, «Laarí nee múk bartá amá aga slaqwe'?» Daudi iri oó', «A yaamaá Negebúr Yuda,» laqaá «Negebúr Yerame'eli,» laqaá «Negebúr múk Keni.»

1 SAMUELI 30:29

nee oo múk Rakali, nee oo múk gixsadaá Yerame'eli, nee oo múk Keni,