HAR'OHUUSE 1:10 - Biblía Axweesantá Hhohho' ar Mungú 2004

¹⁰ Múk Yuda iri haraatláy amór múk Kana'ani oo baraá Hebronír hoót. Umuuwí Hebroni aáng ku babay Kiriat-arba. Inooín tlahh'aá tám awa Sheshai nee Himani nee Talmai kiri baál.

HAR'OHUUSE 1:10 Iomraidhean Croise

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 13:33

Baraadae atén múk dirén una araán, kuduú xwaylár Anaki. Nee atén dir'ine a adór tsaxw'i, adoorí an adór inooín atén tir ga/aya' sleeme.»

YOSHUA 10:36

Aluudae inooín tay tláy dír Eglonír wa ale, ay gawaá geetuú tloomár Hebroni, gixsadá' ngiri i haratlayé'.

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.

HAR'OHUUSE 1:20

Naagáy Kalebu kuri Hebroni i haniís ar adoodá' Mose ngira oó', inós tlahh'aá tám awa Anaki giri tlatlahhaás.

HAR'OHUUSE 1:9

Múk Yuda iri kumiít as nee múk Kana'ani tawa slaqwi, kudá' baraá yaamaá tlom'ií wa hoót, nee oo baraá yaamaá Negebu, nee oo yaamaá xatso.