HAR'OHUUSE 1:1 - Biblía Axweesantá Hhohho' ar Mungú 2004

¹ Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

HAR'OHUUSE 1:1 Iomraidhean Croise

1 WAAWITÁ 22:5

Naagáy Yehoshafati waawutmoó Israeli guri báy, «Axáy, dír tara tlawaaniká. AAKOÓ MUNGÚ u yaahasaán.»

TI'INAANGW 18:15

Mose taatoó hareerós guri báy, «Mukwí nina dir'eéní hardáh as sla'aarír Mungú ngiwa yaahamiisi.

TI'INAANGW 28:30

Kuúng gawaá tlakwayduú da/eewowo tlaa/eedá' ta bay urimu nee tumimu ki baraadá' i qás, ni tarereamiitiye' gawaá da/eewaá Aroni wa ale, umuúqo bar ni amor'eé' káy. Qoomár barni amor'eé' káy tlakwaydá' munguwa baloó máy dahaasaro, as kahhó' gár aníng ni slaa' tleehhamooro daanduú xoorór Israeliro ngiwa tsaahhi.»

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

HAR'OHUUSE 1:27

Múk tlahhoó Manase yaamuloouusér baraá yaamaá Bet-sheanír hoot, ngaa guusi'iiká, nee kudá' baraá gixsár Ta'anikír hoota'a, nee Doriro nee awa Ibleamuro nee oo Megidoro nee ayeemodaá inslaawaydae. Múk Kana'ani iri kumiít tawa ayeemodá' wa hooti.

HAR'OHUUSE 2:21

Gawaá adoorihe iimír hamí xoorduudá' Yoshua aa meetiís qoomár iwa gwaá', aníng tam xoorór wák a guusaaká,

HAR'OHUUSE 2:8

Aluuwo Yoshua garmoó Nuni, sagadiyusmoó AAKOÓ MUNGÚ, kureeriiwós tawa tsiiru nee mibaangw iri gwaá'.

HAR'OHUUSE 2:9

Inooín ngway fooliyé' dír digmuú aalirós baraá Timnat-heresi, baraá yaamaá tlom'i awa Efraimu, bihhaá /iya awa tloomár Ga'ashi.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:27

Xoorór Israeli Aakoó MUNGÚ gway yaahás, asma sandakmoó alqadór AAKOÓ MUNGÚ i amór Beteli.

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»

1 SAMUELI 10:22

Tari kumiít AAKOÓ MUNGÚ yaahamisuuwo, «Heé aa meet i deéro oo naa amoorií hardihiiká?» AAKOÓ MUNGÚ giri mu/aywaáts, «Qaytsiít aa nahhaát baraá tla/eeraá xooslár taa burumbuúr.»