HAGAI 2:9 - Biblía Axweesantá Hhohho' ar Mungú 2004

⁹ Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»

HAGAI 2:9 Iomraidhean Croise

ISAYA 60:7

Daqoroó bee/aangw oo Kedari kungu diróg i burumbuur. Gwaandaawér Nebayoti kari ilahhooár da/tá wa hanís, gwaandaweedá' kari ya/án gawaá kitangw'eé' oo ilahhooaro. Nee dooeé' kudá' xiríf nguri xirfayeés.

ISAYA 66:12

Asma AAKOÓ MUNGÚ i kaahi, «Ga/aawaak, gixsár Siyoni a diihhooárí huúw adór yaaér ma'aay, nee daqaari'iimár xoordu adór duxuú ma'aay oo wa/amiím. Kuungá' tari du'uundá' tunduri bihhér ar loohiis, nee tunduri gawaá geeraawós wá uluu'ulín.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

HAGAI 1:8

Tsa/amé' gawaá tlom'i, xaai huwaare', do' ku tlehhá', daqaní aníng us qwalaá/, aníng muu iri xirfayees.»

HAGAI 2:3

‹Baraá tla/angwhunge heé do'owí gwa ar i deéro, qoomár iwa adoorós tidár geerií kahhi kuwa xiríf? Hamí kuwa ga/eera' a adoomá, xáy kwí i ló'wa waaqaa'atiítiíke?›

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Yakobo 2:1

Hhaee'eé', kuungá' Aakoorén Yesu Kristo ugwa haratlintié', kudá' baraá xirfuú wa hoót. Gawaá adoorihe kuungá' bar alhotá' nee muu, barqaanti ma tlehhiitara'.