HAGAI 2:5 - Biblía Axweesantá Hhohho' ar Mungú 2004

⁵ Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

HAGAI 2:5 Iomraidhean Croise

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

TI'INAANGW 19:4

‹Kuungá' adoodá' aníng naa tleéhh dír múk Misri aga aandé', nee kuungá' nuri ar tláw amor'eéní ale adór gwareesi na/iiwós ngir loohamaamis ar hhampe'eeriwós.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 24:3

Mose iri tláy axweesanaydá' Mungú ngwa báy sleémeero guri oó' dír muu, muu sleémeero tari wakleelu'uumár ilawaáts, tari oó', «Axweesanaysíng sleémeero AAKOÓ MUNGÚ naa atén báy u tleehhaán.»

TI'INAANGW 24:8

Mose tseereedá' gari taataáhh, gari hikiís amór múkí ale, iri oó', «Ga/aawaak, gaarí an tseerér alqadoodá' AAKOÓ MUNGÚ aa tleéhh nee kuungá' ar loohír axweesanaywí.»

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

TI'INAANGW 34:8

Mose iri gaanslár tláy sagós guri xupu'uús, Mungú guri sluufiís.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:13

Asma anuú AAKOÓ MUNGÚ, Munguúwók, dakók oo doó /iyáy un óh, nee aníng kuúng un babaw, ‹Ma da'ayumitaar, aníng kuúng u alee/iís.›

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

SEKARIA 8:15

«Hám daxta mada'ayumitaara' baraá de'emuukae asma aníng Yerusalemu aga gár hhoó i slaá' tleehhamooro, nee doó Yuda sleeme.

Matayo 28:5

Malaykamo /ameenadá' gari báy, «Kuungá' ma da'ayumitaara'. Aníng a xuú' heé kuungá' ta leelehhita' a Yesu, kudá' taa kikií' gawaá msalaába.

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 8:1

Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.