HAGAI 2:3 - Biblía Axweesantá Hhohho' ar Mungú 2004

³ ‹Baraá tla/angwhunge heé do'owí gwa ar i deéro, qoomár iwa adoorós tidár geerií kahhi kuwa xiríf? Hamí kuwa ga/eera' a adoomá, xáy kwí i ló'wa waaqaa'atiítiíke?›

HAGAI 2:3 Iomraidhean Croise

1 QOM'I 22:5

Daudi iri baraá muunaáwós i oó', «Doó AAKOÓ MUNGÚ kudá' garmaaeé' Solomon i tleehhi, masók ku hhoohhoó', nee masók xirfuuwós ku iia tleér baraá yaamuwo. Ala inós ku niiná, aa kwa/iiká, gawaá adoorihe aníng xooslár tlehhma a amohhe'eés.» Daudi tiri amohhe'eés, xooslár yaariir gari sláy dír ira gwaiiká.

ESRA 3:11

Tari daá' daa'ángw ilaohiingw, ta AAKOÓ MUNGÚ xirfayeemiis, nee kuwa sluufmiisi, ta kaahi, «Asma inós ku hhoó', nee sla'aarirós ar warqawaaká in kumaamít ay alhhe'eesay wasle dír Israeliwo.» Naagáy muu sleémeero tsimaahhiro yaamu giri gaamiís qoomár inooín kuwa xirfayeés asma iihhafiirír Doó AAKOÓ MUNGÚ kawa hhe'eés qaasaro.

ESRA 3:12

Ala kaahamuusér yaariir nee múk tlahhoó Laáwi nee kudá' uren awa tlahh'aá taati'i, nee múk aa diimaadin kudá' doó geera ngwaa ariye', qoomár iihhafiirír do'owí ngiwa ariyé', tana /aa/aamín ar afór ur, tam bahh'ale i tsimaahhuusiia ar qwala/.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

HAGAI 2:9

Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»