HAGAI 2:23 - Biblía Axweesantá Hhohho' ar Mungú 2004

²³ AAKOÓ MUNGÚ Aleesleemusmo i kaahi, «Baalaadae aníng kuúng sagadiyusmooeé' Serubabeli, garmoó Shealtieli, un taataáhh. Anuú AAKOÓ MUNGÚ a kah, aníng kuúng un adór mungaydá' ta dugeenír qamin tleéhh, asma ugwa tsawaár. Anuú AAKOÓ MUNGÚ Aleesleemusmo tí ngina oó'.»

HAGAI 2:23 Iomraidhean Croise

WARA'AMI 65:5

Gawaá muruudá' ti dae tlaaqa atén kuúng ti mu/aywats nee ti tu/, kuúnguduú Mungú oo ba/amaarén. Kuúng a harahhifór hhapeemo sleémeero, nee ar tlabeemaá sawen.

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 49:16

Ga/aawaak, aníng kuungá' naa gooiím baraá tsa/oó dakw'eé', koo/ír gixsarhúng i dír geeraaeé' daqisleém.

YEREMIA 22:24

Daanduú Koniawo, waawutmoó Yuda garmoó Yehoyakimu, AAKOÓ MUNGÚ i kaahi, «Aníng lo'o aga /aáy, tam geeraawo kuúng bar an mungay'eene, kuduú gawaá diitsár dakw'eé' oo doó /iyáy, kudá' ni layárár qamaamiim, aqo un duúx, nee uri amór saáwí kwaáhh,

Matayo 12:18

«Ga/aaweek, sagadiyusmooeé' kudá' naa tsawaár a sla'aarusmooeé' kudá' muunaáeé' gwa qwal/atis. Qeeruueé' u dirós i haniís. Inós kwasleemár ganaa' ga alki/iit dír xoordu sleémeero.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.