HAGAI 2:22 - Biblía Axweesantá Hhohho' ar Mungú 2004

²² aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

HAGAI 2:22 Iomraidhean Croise

2 QOM'I 15:6

Aahhír yaariir ina háts baraá yaamuwo, xooro nee tiqá' tan slaaqw, gixsa nee tiqá' tan slaaqw, asma Mungú muu guna amoqwanoó slahh'amaayér dimbadimbé huúw.

2 QOM'I 20:22

Qoomár daa'aangw kuwa iimu/ún, nee xirfayeemisuuwo, AAKOÓ MUNGÚ slaqwaruuseedár Amoni nee ar Moabu, nee ar tloomár Seirír daahh, tidá' naa haratleer amór múk Yuda, gari amoqwaareés, slaqwara ngiri harslaaqatiyé'.

2 QOM'I 20:23

Múk Amoni nee oo Moabu nay haratlayé' amór múk tlom'aá Seiri, kari ló'wa hhaamiís. Alaá múk tloomár Seiri kuwa hhaamiís, tiri kilooín saki/iyé', tiri faakiyé'.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

WARA'AMI 76:6

Kuúng, Munguú Yakobo, bara gahhát, múk faras ngwa i tsa/an nee farsuine nari slar/amiitiyé' /araraango.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:28

Ma'aydá' niri ki/iyé', gaardu ngiri tuuntuukiyé', nee mukdá' gaardaá madiita, nee slaqwaruuse sleémeero ar Farao, tidá' múk Israeli gwaa aluú wa eehat, tlawi giri gú/, tam heé wák oo aa kotsqoot i kaahh.

TI'INAANGW 15:19

Qoomár farsuú Farao nee gaarduuwose nee mukdá' gaardaá madiita niwa baraá tláwtí dahiyé', AAKOÓ MUNGÚ ma'aá tlawi giri gawaaín i ki/ís. Ala xoorór Israeli baraá tla/ángw tlawto tana yaamaá kaahaár ar hi'iimiít.

TI'INAANGW 15:4

Gaardaá Farao nee slaqwaruuseero gaa kwaáhh baraá tlawi. Geeraharuuseerós tidá' i ló'wa slai gaa /aytiís baraá tlawtá Shamu.

ISAYA 19:2

Aníng múk Misri un tlaahhírí kwaáhh, umuú heewo nee hhiyaawós tiri ayá'. Tam inslaawmo nee kuqá' tin ayá', aya nee kuqá' tiri ayá', waawutmo nee kuqá' tiri i tlayá'.

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

ESEKIELI 21:27

Hhituru'uuma! Hhituru'uuma! Tam gár wák ar ni meetiis i káhh baraá gixsarihe. Ala geeraá tihe heedaádá' naa ya/aamár muxtaárí haniís ni hardah, as sakwasleema ngiwa tleehhi, kudá' aníng ni gixsarí haniis.»

ESEKIELI 26:16

Waawitá sleémeero kuduú yaamaá afaá tlawi tari huuhu'ún gawaá kiteeri'ín kudaá waawuti'iimaro, nee him'er'ín ngiri gweeriyá', tlabaaín kudaá ilaiwa/ame taa parootuús ngi duuxiyá'. Inooín daér yaariir giri eér, tari yaamií iwiit, inooín qooma sleémeerowo tari daaraax nee tari ló'wa da'ayuut daanduú tí iga sleeri.

ESEKIELI 38:21

Aníng umuú gár de'e tlaaq a tsaanguús as Gogu kuwa ilaa/i. Anuú Aakoó MUNGÚ tí aga oó'. Slaqwaruuseerós tin kilooín layá' ar paangaduuín.

ESEKIELI 39:20

Gawaá meésar'eene, slaqwaruuseedá' farsuú i tsa/aa/am, nee pihhuuse, nee slaqwaruuse sleémeerowo kan aaxiis. Anuú Aakoó MUNGÚ tí aga oó'.»

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

AMOS 2:15

Tam mukdá' slaáqw ar maheeri nee ga/aldu asla ngi baloó dan'aaká. Mukdá' ti'ii'íngw baál ti baloó tu/iiaaká, laqaá kudá' farasúr ti'ii'imá' slafingw'ín ngu /iisiiaaká.

MIKA 5:10

AAKOÓ MUNGÚ i kaahi, «Qoomaadae farsuuwók oo slaqwara un hingeés diroge, nee gaardaá slaqwara ngiri hhitiím.

MIKA 5:15

Slám ar buhhtaá ure aníng li/aay u buú' gawaá daanduú xoordaá hatlá' kudá' aníng i iialooeemisa'aaká.»

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

MIKA 5:9

Kuungá' múk Israeli, dakwhúng ku tlees gawaá wakuuserhúng, kari balá', nee kari qwaaresá'.

MIKA 7:16

Múk xoordaá hatlá' adoorí kan ar, inooín tay muruumiit, tam ta /uureemaá kona. Mureero afe kay tuuntuuk ar dabaaín, tay mafaa' adór múk iawásl.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

SEKARIA 10:5

Inooín dinkwaaro tay adór hhawaataá miguuse baraá slaqwaraaro, awa wakuuser'ín ngi kal/aamá' baraá baa/ír baraá loohi. Inooín in slaqwiyá' asma AAKOÓ MUNGÚ i dinkwa nee inooín. Inooín slaqwaruusér faras gwa i tsa/aan kan mureekees.

SEKARIA 12:9

Baalaadár kilae aníng xoordu sleémeero kudá' haratlatlaawá' amór Yerusalemu in leeleéhh as ngiwa hhaamiis.

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

SEKARIA 9:10

Gaardaá slaqwara awa múk Efraimu in hhitiím, nee farsuú slaqwara oo gixsár Yerusalemu un hhitiím sleeme, nee ga/aldaá slaqwara in giqáw sleeme. Inós wayda ngu huuw baraá xoorduuwo. Waawiti'iimarós in tsiníq ay tlabeemo sleémeero, iimír yaaér Eufrate wa tleemu ay alhhe'eesoó yaamu.

Matayo 24:7

Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

HAR'OHUUSE 7:22

Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.

1 SAMUELI 14:16

Xuumuusér Saulo tidár amór Gibeár Benyamini, boo/oó múk yaariír oo ti'ii'iím amooqá' nee taqane nguna ariyé'.