HAGAI 2:16 - Biblía Axweesantá Hhohho' ar Mungú 2004

¹⁶ Qoomár hee gár i harahhifi tawa guniyadaá mibeeri tsár awa balaangw, aluuwo naxés gár i slay tay guniyadaá mibaangw kilós, nee qoomár hee gár i harahhifi tawa quruntloó mibeeri kooán nguwa iihheeki, aluuwo naxés oo i slay a quruntloó mibeeri tsár.

HAGAI 2:16 Iomraidhean Croise

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

YEREMIA 48:33

Qaseengw nee qwala/ kaa hingeés baraá yaamaá Moabuwo, kudá' mamuuwo hatsá'. Difaái aga /oomeés dír kiteeridá' kawa tsoo/iti. Heé mamaá sabiíbu gi tsoo/iít ar qwala/ i kaahh. Tsimaahhír ta axamisaan ar qwal/uwooká.

HAGAI 1:6

Dahaasíngw yaariír una dahasé', bu'uungw kwaa sleeré' ku ureeká. A mak /ayiindá' ala a axiinda'aaká. A wahaandá' ala a waxe gwagwa'aandaaká. Ti mak untsuumisá' ar tlaba', ala heé axwnoó slasláw i kaahh. Nee kudá' ta peésár bu'un a peésaadá' gan qamín baraá tlakoó aa foox.»

HAGAI 2:15

«Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.