HAGAI 2:15 - Biblía Axweesantá Hhohho' ar Mungú 2004

¹⁵ «Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

HAGAI 2:15 Iomraidhean Croise

ESRA 3:10

Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

ESRA 4:24

Doó AAKOÓ Mungú kuduú baraá gixsár Yerusalemu tlehhtuuwo kuri máy ay kurkú tsár oo waawuti'iimár waawutmo Dario, waawutmoó yaamaá Persia.

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

HAGAI 1:7

AAKOÓ MUNGÚ Aleesleemusmo gár i kaahi a tí, «Lohduuhúng alqaytsitaak.

HAGAI 2:16

Qoomár hee gár i harahhifi tawa guniyadaá mibeeri tsár awa balaangw, aluuwo naxés gár i slay tay guniyadaá mibaangw kilós, nee qoomár hee gár i harahhifi tawa quruntloó mibeeri kooán nguwa iihheeki, aluuwo naxés oo i slay a quruntloó mibeeri tsár.

HAGAI 2:18

Baalaarír laarí ar slahhángw gwaleél tawa mibeeri tsár nee tsiyáhh, an baalár iihhafiirír Doó AAKOÓ MUNGÚ tleehhamooro iwa hhooeér. Gimsé', iimír laarí wa tleemu ay amoosír aluuwo muruú ti'imiít alhooreemisaak.

SEKARIA 8:10

Dír qoomaadá' ira xeeriiká heé gadiyeérose taa buú' i kaahh nee tam gadiyér makiito'o ar taa buú' i káhh, sleeme amohhooa i káhh dír heé daraaha, laqaá oo ti'imiita, asma wakuuse. Asma aníng umuú heewo una hara'awís nee mulqumoowós.

SEKARIA 8:11

Ala hám daxta aníng mukwí aa meet u adór mukduú geera laqaaká. Anuú AAKOÓ MUNGÚ tí ngina oó'.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

1 Korinto 11:31

Ala geeraawo barnaxes atén kiloorén taa alqaytsiitaán, atén geeraawo alók taa sakwasleemutiiká.